Day: January 30, 2025

ABŞ-da Virciniya ştatında Ronald Reyqan hava limanı yaxınlığında uçuş-enmə zolağına yaxınlaşan təyyarə helikopterlə toqquşub. SİA-nın məlumatına görə, təyyarə hava limanı yanında Potomak çayına düşüb. Məlumata əsasən, qəzaya uğrayan təyyarə Kanzas ştatının Viçita şəhərindən uçuş həyata keçirib. O, hərbi helikopterlə toqquşub. Reyqan hava limanında bütün uçuşlar və enişlər dayandırılıb. Hələlik heç bir itki barədə məlumat yoxdur. Vaşinqton polisinin bildirdiyinə görə, hadisə yerində axtarış-xilasetmə əməliyyatı aparılır.

Daha çox

“American Airlines” Reyqan hava limanı yaxınlığında qəzaya uğrayan təyyarənin göyərtəsində 60 sərnişin və 4 ekipaj üzvünün olduğunu açıqlayıb. SİA-nın CNN-ə istinadla verdiyi məlumata görə, Ağ evin mətbuat katibi Kerolayn Livitt Prezident Donald Trampın Vaşinqtonun Reyqan hava limanı yaxınlığında hərbi helikopter və təyyarənin toqquşması bağlı məlumatlandırıldığını təsdiqləyib.

Daha çox

2024-YR4 asteroidi 2032-ci ildə Yer planeti ilə toqquşa bilər. SİA xəbər verir ki, bunu rusiyalı astronom, “Ka-Dar” rəsədxanasının rəhbəri Stas Korotkiy bildirib. Asteroidin 22 dekabr 2032-ci ildə Yerlə toqquşması ehtimalı 6 faizdir. Bu da onun kəşf olunmasından bəri ən yüksək proqrnoz göstəricisidir. Qeyd edək ki, bəhs edilən asteroid 2024-cü ilin dekabr ayında kəşf olunub.

Daha çox

İsveç və Kolumbiya arasında mütəşəkkil cinayətkarlıq və kokain qaçaqmalçılığı ilə mübarizə sahəsində əməkdaşlıq haqqında saziş imzalanıb. SİA xəbər verir ki, “Polis sazişi” adı ilə tanınan sənəd İsveç xarici işlər naziri Mariya Malmer Stenerqard, Kolumbiyanın ədliyyə naziri Anxela Mariya Buitraqo və Latın Amerikası ölkəsinin müdafiə naziri İvan Velaskes tərəfindən imzalanıb. Saziş transsərhəd cinayətkarlıq, terrorizm və kibercinayətkarlıqla mübarizədə ölkələr arasında informasiya və təcrübə mübadiləsinin gücləndirilməsini nəzərdə tutur. İsveç ədliyyə naziri Qunnar Strömmer qeyd edib ki, narkotik vasitələrin ticarəti, xüsusən kokain qaçaqmalçılığı mütəşəkkil cinayətkarlığı maliyyələşdirir. Bu isə ölkə vətəndaşlarının və demokratik institutların təhlükəsizliyinə…

Daha çox

Amerikalı milyarder İlon Maskın Nobel Sülh Mükafatına namizədliyi irəli sürülüb. SİA xəbər verir ki, bu barədə sloveniyalı deputat Branko Qrims “X” sosial şəbəkəsində məlumat paylaşıb. Nobel İnstitutunun Maskın namizədlər siyahısına daxil edilməsinə dair təsdiqini dərc edən deputat qeyd edib ki, o, söz azadlığının və insan haqlarının qorunmasına xidmətlərinə görə mükafata namizəd göstərilib.

Daha çox

İsrail yanvarın 30-da “HƏMAS” ilə razılaşma çərçivəsində 110 fələstinli məhbusu azad edəcək. SİA xəbər verir ki, bu barədə Fələstin Əsirlərin İşləri üzrə İnformasiya İdarəsi məlumat yayıb. Məlumata görə, azad edilənlərin 30-u azyaşlı, 32-si ömürlük həbsə məhkum edilmiş və 48-i isə uzun müddət cəza çəkəndir. Qeyd edək ki, bundan öncə “HƏMAS” Qəzza zolağında girov saxlanılan İsrail vətəndaşı Arbel Yehudu, İsrail Müdafiə Qüvvələrinin əsgəri Agam Berger və 80 yaşlı israilli Qadi Mozesi yanvarın 30-da azad edəcəyini açıqlayıb.

Daha çox