Day: March 19, 2025

Türkiyə Prezidenti Rəcəb Tayyib Ərdoğan apreldə Ağ Evdə amerikalı həmkarı Donald Trampla görüşməyi planlaşdırır. SİA xəbər verir ki, bu barədə “Bloomberg” məlumat yayıb. Məlumata görə, Ərdoğanı ABŞ-yə səfəri zamanı Türkiyənin maliyyə naziri Mehmet Şimşek müşayiət edəcək. Xatırladaq ki, Ərdoğan və Tramp arasında martın 16-sı telefon danışığı baş tutub.

ABŞ Müdafiə Nazirliyi büdcə xərclərini azaltmaq üçün 50-60 min mülki işçinin ixtisarını planlaşdırır. SİA xəbər verir ki, bu barədə Pentaqon nümayəndəsinin bəyanatına istinadən “Associated Press” agentliyi məlumat yayıb. Məlumata görə, bu addım Pentaqonda mülki işçilərin 8 % azaldılması planı çərçivəsində atılıb. Qeyd olunub ki, boşalan yerlərə hərbçilər təyin edilməyəcək, çünki müdafiə naziri Pit Heqset ABŞ Silahlı Qüvvələrinin döyüş hazırlığından əmin olmaq istəyir. “The Washington Post” qəzeti əvvəllər xəbər vermişdi ki, Heqset növbəti beş il ərzində hərbi qurumun büdcəsinin hər il 8 % azaldılması planının hazırlanması barədə göstəriş verib.

ABŞ Milli Arxivi 1963-cü ildə prezident Con Kennedinin qətli ilə bağlı məxfiliyi ləğv edilmiş minlərlə səhifəlik sənədləri açıqlayıb. SİA-nın məlumatına görə, Prezident Donald Tramp yanvarın 23-də qalan qeydlərin açıqlanmasına dair sərəncam imzalayıb və bunun ictimai maraqlara cavab verdiyini bildirib. Mindən çox sənəd ABŞ Milli Arxivlər və Qeydlər Administrasiyasının saytında yerləşdirilib. Sui-qəsdi ilə bağlı 13 minə yaxın sənəd Bayden administrasiyası dövründə açıqlanıb.

Əfqanıstanda hakimiyyəti ələ keçirmiş “Taliban” hərəkatı Qəndəhar əyalətində qadınlara radioda səsləndirməni qadağan ediblər. SİA xarici mətbuata istinadən xəbər verir ki, bu barədə Əfqanıstan Jurnalistlər Mərkəzi (AFJC) hakimiyyət orqanlarının bəyanatına əsasən məlumat yayıb. “Radioda qadınlara səsləndirmə qəti şəkildə qadağandır, həmçinin əyləncə proqramları zamanı qadınların müraciətlərinin yayımlanması da qadağandır”, – məlumatda bildirilib. O da deyilir ki, sənəddə bütün radiostansiya işçilərinin əyalətlərdə reportajlar hazırlamaq üçün yerli hakimiyyət orqanlarından xüsusi icazə alması tələbi də var. Qeyd edək ki, Qəndəhar Hilmənddən sonra qadın səslərinin radio yayımları zamanı tamamilə qadağan edildiyi ikinci Əfqanıstan əyaləti olub.

NASA-nın aylardır kosmosda qalan 2 astronavtı yerə enib. SİA-nın məlumatına görə, astronavtlar Sunita Uilyams və Barri Uilmorun olduğu “SpaceX Crew-10” missiyası Beynəlxalq Kosmik Stansiyadan ayrıldıqdan və yerə yollandıqdan təxminən 17 saat sonra yerli vaxtla saat 17:58-də (Bakı vaxtı ilə saat 01:58) Florida sahillərinə uğurla eniş edib. NASA astronavtı Nik Heyq və kosmonavt Aleksandr Qorbunov da gəminin göyərtəsində olublar. Uilyams və Uilmor 2024-cü ilin iyun ayında “Boeing”ə məxsus “Starliner” kapsulunun ilk astronavt ekipaj uçuşunu həyata keçiriblər. Səfərin bir həftəlik olması planlaşdırılırdı. Təxminən 10 gündən sonra onları geri qaytaracaq “Boeing Starliner”də problem…

“ABŞ Prezidenti Donald Tramp və Rusiya Prezidenti Vladimir Putin arasında danışıqlar zamanı Ukraynada hava hücumu siqnalları səslənib. Ona görə də ukraynalılara aydındır ki, onların razılaşmaları hələ işə yaramır”. SİA “Ukrinform” agentliyinə istinadən xəbər verir ki, bunu brifinqdə Ukrayna Prezidenti Volodimir Zelenski deyib. “Düşünürəm ki, ukraynalılar nə baş verdiyini anlayırlar. Hazırda Ukraynada narahatlıq var. Bildiyimə görə, ruslar Prezident Trampla söhbəti zamanı dərhal enerji infrastrukturuna hücumların dayandırılması əmrini veriblər”, – deyə Zelenski bildirib. Onun fikrincə, Ukrayna və Amerika nümayəndə heyətlərinin Səudiyyə Ərəbistanında, Ciddədə apardığı danışıqlarda yaxşı nəticələr əldə olunub, xüsusən də ABŞ…

Bu su hövzəsi həm də dünyanın ən dərin və bioloji cəhətdən ən müxtəlif gölüdür… …Planetimizin tarixi 4,5 milyard ildən artıqdır və bu müddət ərzində Yer çoxlu dəyişikliklərə məruz qalıblar. Dağlar kimi Yerdəki göllər də bu dəyişikliklərin qədim şahidləri ola bilər və onların yaşı 1 milyon ildən çox ola bilər. SİA-nın məlumatına görə, Yer kürəsində cəmi 20 qədim göl var, bəs ən qədimi hansıdır? Alimlər buna cavab veriblər..?. Dünyanın ən qədim gölü adı üçün açıq bir iddiaçı var: Sibirin cənub-şərqində yerləşən Baykal gölü. Minnesota Universitetinin bioloji…