İtaliya sahillərində miqrantların olduğu qayıq batıb

İtaliyanın cənubundakı Lampeduza adası sahillərində miqrantları daşıyan qayıq batıb. SİA yerli mənbələrə istinadən xəbər verir ki, İtaliya sahil mühafizə xidmətinin və maliyyə polisinin patrul gəmiləri ilə 6-sı kişi və 4-ü qadın olmaqla, 10 nəfər xilas edilib, həmçinin 6 cəsəd çıxarılıb. Qəza nəticəsində itkin düşən 40-dək miqrantın axtarışı davam edir. Mühacirlərin Fil Dişi Sahili, Seneqal, Qvineya və Malayziya vətəndaşları olduqları bildirilib. Tunisin Sfaks şəhərindən yola çıxan rezin qayıqda 56 nəfər olub. Bundan başqa, ötən gün Lampeduza adasına beş qayıqla, ümumilikdə, 213 miqrant gəlib. Hazırda adadakı miqrant düşərgəsində 230 nəfər var.

Daha çox

Vətən müharibəsi şəhidi Əli Məmmədzadənin ailəsi ziyarət olunub

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyəti sədrinin müavini Zaur İbrahimov Azərbaycan Xüsusi Təyinatlı Qüvvələrinin əsgəri şəhid Əli Məmmədzadənin ailəsini ziyarət edib. SİA xəbər verir ki, görüş zamanı şəhidin vətənpərvərliyindən və göstərdiyi igidliklərdən bəhs olunub. Nazirlik tərəfindən onun ailəsi mənzillə təmin edilib, həmçinin ailəyə sosial ödənişlər təyin edilib. Görüşdə bütün şəhidlərimiz kimi, Əli Məmmədzadənin də xatirəsinin daim əziz tutulacağı vurğulanıb. Ailənin bundan sonra da dövlət qayğısı ilə əhatə olunacağı diqqətə çatdırılıb. Könüllü olaraq Vətən müharibəsində iştirak edən Əli Məmmədzadə 2020-ci il noyabrın 7-də Şuşa uğrunda…

Daha çox

“Amerikanın səsi” və “Azadlıq” radioları təxribatlarının qurbanı oldular

Hər zaman belə olub yalan, böhtan səsləndirənlər, qeyri-qanuni əməllər törədənlər nəhayət, ifşa olunublar. Azərbaycanın el məsəlində deyildiyi kimi, “oğurluqla, əliəyriliyin ömrü 40 gün çəkər” və ya “yalan ayaq tutar amma yeriməz”. Araşdırmalara əsasən demək olar ki, fəaliyyətlərini yalan, böhtan üzərində quran ictimai-siyasi təşkilatlar az sonra ya təbii proseslər nəticəsində sıradan çıxırlar ya da qapadılırlar. Uzun müddət “Amerikanın səsi” və “Azadlıq” radioları dezinformasiyaları, şər və böhtanları ilə meydan suladılar, cəmiyyətlərdə yalanları ilə ikili fikir formalaşdırmağa çalışdılar. Təbii ki, belə bir qərəzli fəaliyyətin sonu olmalı idi, oldu da. ABŞ-nin yeni prezidenti Donald…

Daha çox

ABŞ Çini orbital döyüşlərdə günahlandırır

Beş Çin peyki orbital döyüş texnologiyasını sınaqdan keçirib. Bunu ABŞ Kosmik Əməliyyatlar katibinin müavini Maykl Getlein bildirib. SİA-nın məlumatına görə, bu barədə “Breaking Defense” nəşri yazıb. …Kosmosda bir-birinin ətrafında, sinxron və nəzarət altında manevr edən beş müxtəlif obyekt var. Biz bunu kosmos döyüşü adlandırırıq. Onlar orbitdə bir peyk digərinin üstündə olmaqla kosmik əməliyyatların aparılması üçün taktika, üsul və prosedurları məşq edirlər. Bunu zabit bildirib. General söhbətin hansı ölkədən getdiyini dəqiqləşdirməsə də, ABŞ Kosmik Qüvvələrinin sözçüsü sonradan bildirib ki, ittiham 2024-cü ildə Şiyan-24C və Shijian-6 05A/B kosmik gəmiləri ilə bir sıra…

Daha çox

“Clarivate Analytics” şirkətinin nümayəndəsi Azərbaycan Universitetində olub

“Clarivate Analytics” şirkətinin Azərbaycan üzrə nümayəndəsi İltifat İbrahimov Azərbaycan Universitetinə gedərək elmi işlər üzrə prorektor Yusif Qasımovla görüşüb. SİA xəbər verir ki, İltifat İbrahimov görüşdə təmsil etdiyi şirkət, onun Azərbaycanda həyata keçirdiyi layihələr və tədbirlər haqqında danışıb. Yusif Qasımov isə Azərbaycan Universitetinin “Clarivate Analytics” şirkətinin məhsulu olan “Web of Science” bazası üzrə elmmetrik göstəriciləri, bu göstəricilərin yüksəldilməsi üçün həyata keçirilən tədbirlər haqqında ətraflı məlumat verib. Görüşdə, həmçinin “Clarivate Analytics” şirkəti ilə Azərbaycan Universiteti arasında əməkdaşlıq imkanları da müzakirə edilib, birgə təlimlərin təşkil edilməsi haqqında razılığa gəlinib.

Daha çox

Hərbi vəzifəlilərin təlim toplanışı başa çatıb

Hərbi vəzifəlilərin təlim toplanışı başa çatıb. SİA xəbər verir ki, bu barədə Müdafiə Nazirliyindən məlumat verilib. Bildirilib ki, cari ilin hazırlıq planına uyğun olaraq, Səfərbərlik və Hərbi Xidmətə Çağırış üzrə Dövlət Xidməti ilə birgə tədbirlər çərçivəsində ehtiyatdan çağırılan bir qrup hərbi vəzifəlilərin cəlb edildiyi təlim toplanışı başa çatıb. Toplanışın başa çatması münasibətilə keçirilən bağlanış mərasimində əvvəlcə xalqımızın Ümummilli Lideri Heydər Əliyevin, ölkəmizin müstəqilliyi, ərazi bütövlüyü və suverenliyi uğrunda canını fəda etmiş şəhidlərimizin xatirəsi bir dəqiqəlik sükutla yad edilib. Azərbaycan Respublikasının Dövlət Himni ifa olunub. Tədbirdə çıxış edənlər bildiriblər ki, təlim…

Daha çox

Mərkəzi Kəşfiyyat İdarəsinin qərargahı mühasirəyə alınır…

…ABŞ polisi və xüsusi təyinatlıları Mərkəzi Kəşfiyyat İdarəsinin Lenqlidəki qərargahının girişində atışma xəbərləri yayıldıqdan sonra onu mühasirəyə alıblar. SİA-nın məlumatına görə, bu barədə “The Sun” xəbər verir. …Giriş qapısından gələn silahlı şəxsin təhdidləri eşidildikdən sonra onlarla polis Mərkəzi Kəşfiyyat İdarəsinin qərargahını mühasirəyə alıb, – məlumatda deyilir. İlkin olaraq şahidlər atəş səsləri olduğunu bildiriblər. Lakin polis hadisə zamanı heç bir atəş açılmadığını və xəsarət alan olmadığını bildirib. Şahidlərin sözlərinə görə, Mərkəzi Kəşfiyyat İdarəsinin qərargahının bütün girişi polis, hərbçilər və yanğınsöndürən maşınlar tərəfindən bağlanıb. İlçe polisi də öz növbəsində “Mərkəzi Kəşfiyyat İdarəsi…

Daha çox

Namizədlər üçün Vəkil bürolarının təqdimatı olub

Azərbaycan Respublikasının Vəkillər Kollegiyasının (ARVK) təşəbbüsü ilə vəkilliyə namizədlər üçün vəkil qurumlarının rəhbərləri və nümayəndələri tərəfindən büroların təqdimatı olub. SİA xəbər verir ki, məqsəd Ədliyyə Akademiyasında icbari təlim keçmiş namizədlərin ilk dəfə büro seçimini könüllü həyata keçirməsidir. Bildirmək istərdik ki, təqdimatdan əvvəl yeni vəkillərin fəaliyyəti üçün yerləşdiyi binaların əlverişli şəraiti, habelə büro müdirlərinin müraciətləri nəzərə alınıb. Təqdimat zamanı vəkil qurumlarının rəhbərləri və nümayəndələri namizədlərə öz bürolarının fəaliyyəti, keyfiyyətli hüquqi xidmətlərin göstərilməsi barədə məlumatlar veriblər. Onlar həmçinin hüquqi yardımın təşkilində və peşəkar etik davranış prinsiplərinə riayət olunmasında vəkilliyin vacib rolunu vurğulayıblar.…

Daha çox