Day: March 21, 2025

Azərbaycana yaz fəsli qədəm qoydu. Bakı Dövlət Universitetinin (BDU) Fizika fakültəsinin Astrofizika kafedrasından bildirilib ki, yaz fəsli Azərbaycana martın 20-si saat 13:01-də daxil olub. Bu zaman gecə ilə gündüz bərabərləşir, Günəş ekliptika (Günəşin illik zahiri hərəkət yolu) üzrə hərəkət edərək, ekvatoru kəsməklə Cənub yarımkürəsindən Şimal yarımkürəsinə keçir. Beləliklə, həmin andan Şimal yarımkürəsində astronomik yaz, Cənub yarımkürəsində isə payız fəsli başlayır. Yaz fəslinin uzunluğu 92 gün 17 saat 40 dəqiqə 46 saniyə olacaq. Təbiətin əbədi qanunları və kainatın dəyişməz nizamı ilə əlaqədar olan Novruz bayramı gecə ilə gündüzün bərabərləşdiyini xəbər verən…

Ötən gün Bakı Beynəlxalq Avtovağzal Kompleksindən 386 reys həyata keçirilib, 14 mindən çox sərnişin rahat və təhlükəsiz şəkildə mənzil başına çatdırılıb. Bu, son iki ilin rekord göstəricisidir. Azərbaycan Yerüstü Nəqliyyat Agentliyindən (AYNA) SİA-ya bildirilib ki, adi günlərlə müqayisədə sərnişin tələbatını qarşılamaq üçün əlavə olaraq 150 reys həyata keçirilib. Sərnişinlərin 45 faizi biletlərini onlayn qaydada “biletim.az” portalından əldə edərək səfərlərini reallaşdırıb. Bayram günlərində paytaxtdan bölgələrə və əks istiqamətə sərnişin axınının çox olduğu nəzərə alınaraq, vətəndaşlara biletlərini əvvəlcədən onlayn qaydada əldə etmələri tövsiyə olunur. Bunun üçün həvəsləndirici fürsətlər də mövcuddur. Belə ki,…

Cəbrayıl şəhərində Novruz ilə bağlı bayram konserti təşkil olunub. SİA xəbər verir ki, tədbir Cəbrayıl, Qubadlı və Zəngilan rayonlarında Prezidentin Xüsusi Nümayəndəliyinin dəstəyi, Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətinin təşkilatçılığı ilə baş tutub. Cəbrayıl şəhər sakinləri, eləcə də Cocuq Mərcanlı sakinləri üçün təşkil olunan konsertdə Beynəlxalq Muğam Mərkəzinin musiqiçi heyətinin, eləcə də, tanınmış mədəniyyət və incəsənət xadimlərinin ifasında musiqi əsərləri səsləndirilib. Novruzun əsas atributları olan Keçəlin duzlu-məzəli zarafatları, Bahar qızın şənlikdə iştirakı uşaqlar üçün bu günü unudulmaz edib. Bayram əhvali-ruhiyyəsi, vətənpərvərlik duyğuları və coşqu ilə keçən…

Azərbaycanın Polşadakı səfirliyinin dəstəyi ilə Poznan şəhərində yerləşən Adam Mitskeviç Universitetində Novruz bayramına həsr olunmuş tədbir keçirilib. Tədbirdə bu ali təhsil ocağında təhsil alan azərbaycanlı, eləcə də polyak və xarici tələbələr iştirak ediblər. SİA xəbər verir ki, Azərbaycanın Polşadakı səfiri Nərgiz Qurbanova Novruz bayramının ölkəmizdə qədim zamanlardan bəri qeyd olunduğunu, bu bayramın özünəməxsusluğu ilə seçildiyini, Novruzun yeni gün, yeni həyat mənasını daşıdığını, Novruzda həyatın canlandığını qeyd edib. O, Novruz adətlərindən bəhs edərək bu bayramın Azərbaycan poeziyasında silinməz izlər buraxdığını, dahi Nizaminin “Xəmsə”sində Novruzla bağlı adətləri qələmə aldığını tədbir iştirakçılarının diqqətinə…

Dövlət Sərhəd Xidmətinin hərbi qulluqçuları Novruz bayramı ərəfəsində vətən uğrunda canlarını fəda etmiş şəhidlərin ailələrini ziyarət edib, ölkəmizin ərazi bütövlüyünün təmin olunması, torpaqlarımızın işğaldan azad edilməsi və xidməti vəzifələrinin icrası zamanı şəhid olmuş qəhrəmanların əziz xatirəsini dərin ehtiramla yad ediblər. DSX-nin Mətbuat Mərkəzindən verilən məlumata görə, görüşlər zamanı şəhid ailələrinin və müharibə əlillərinin sosial təminat məsələlərinin Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyevin və birinci xanım Mehriban Əliyevanın rəhbərliyi ilə həyata keçirilən dövlət siyasətinin əsas istiqamətlərindən biri olduğu xüsusi vurğulanıb, onların rifah halının yaxşılaşdırılması üçün ardıcıl və…