Day: March 26, 2025

Avropa İttifaqı düşməndən də betərdir

Qafqaz Xəbər

ABŞ-nin prezidenti Donald Tramp Avropa İttifaqının Birləşmiş Ştatları “soyduğunu” və ona düşməndən də betər olduğunu bəyan edib. Trampın sözlərinə əsasən, Avropa İttifaqının bir sıra ölkələri 45 il ərzində Amerikanın zəifliyindən istifadə edərək onu soyub-talayıblar. O, Çinin də oxşar siyasət yürütdüyünü diqqətə çatdırıb. Ağ Ev rəhbəri əmin edir ki, məhz buna görə dövlətin cari borcu 36 trilyon dolları ötüb. “Əksər hallarda dostlar, dırnaqarası dostlar, düşməndən daha betər olub. Bir Avropa İttifaqına nəzər salın, görün onlar bu ölkənin başına nə gətiriblər, onu necə soyublar”,- Tramp qeyd edib.

Daha çox

Fidan və Rubio Cəbubi Qafqazda sülh məsələsini müzakirə ediblər

Qafqaz Xəbər

Vaşinqtonda ABŞ Dövlət katibi Marko Rubio ilə Türkiyənin xarici işlər naziri Hakan Fidan arasında görüş keçirilib. SİA-nın Dövlət Departamentinə istinadən verdiyi məlumata görə, tərəflər təhlükəsizlik və ticarət sahəsində əsas məsələlər üzrə əməkdaşlığı müzakirə ediblər. Bildirilir ki, Dövlət katibi Türkiyədən Ukrayna və Cənubi Qafqazda sülhə dəstək verməyə çağırıb. Məlumata əsasən, Rubio Türkiyənin İŞİD-ə qalib gəlmək üzrə Qlobal Koalisiyadakı liderliyini yüksək qiymətləndirib və sabit, vahid, sülhsevər Suriyanı dəstəkləmək üçün sıx əməkdaşlığın vacibliyini vurğulayıb. Görüş zamanı Rubio, həmçinin ikitərəfli ticarətdə son irəliləyişləri qeyd edərək iqtisadi tərəfdaşlığın daha da irəliyə aparılmasına çağırış edib.

Daha çox

Cinayət törətməkdə şübhəli bilinən 35 nəfər saxlanılıb

Qafqaz Xəbər

Martın 25-də ölkə ərazisində qeydə alınan 33, əvvəlki dövrlərdən bağlı qalan 8 cinayətin açılması polis əməkdaşları tərəfindən təmin olunub. SİA xəbər verir ki, bu barədə Daxili İşlər Nazirliyinin (DİN) mətbuat xidmətindən bildirilib. Qeyd edilib ki, axtarışda olduğuna görə ümumilikdə 39, o cümlədən borclu şəxs qismində axtarışda olan 12 nəfər saxlanılaraq aidiyyəti üzrə təhvil verilib. Narkotiklərlə əlaqəli 15, qanunsuz saxlanılan silah-sursatın götürülməsi və aşkarlanması ilə bağlı 5 fakt müəyyən edilib. Cinayət törətməkdə şübhəli bilinən 35 nəfər saxlanılıb.

Daha çox

Azərbaycan neftinin qiyməti 74 dollara düşüb

Qafqaz Xəbər

İtaliyanın Augusta limanında Azərbaycanın “Azeri Light” markalı neftinin CIF bazisi üzrə qiyməti əvvəlki göstərici ilə müqayisədə 1,19 ABŞ dolları və ya 1,58% azalaraq 74,04 dollar/barel təşkil edib. SİA xəbər verir ki, Türkiyənin Ceyhan limanında FOB bazasında “Azeri Light” markalı neftin bir barelinin qiyməti 1,18 dollar və ya 1,6% ucuzlaşaraq 72,61 dollar təşkil edib. URALS markalı xam neftin qiyməti əvvəlki göstərici ilə müqayisədə 1,1 dollar və ya 1,86% azalaraq 57,77 dollar/barelə bərabər olub. Şimal dənizində hasil edilən “Dated Brent” markalı neftin bir barelinin qiyməti əvvəlki göstəricidən 1,38 dollar və ya 1,18%…

Daha çox

Cənubi Koreyada helikopter qəzaya uğrayıb

Qafqaz Xəbər

Meşə yanğınlarının artıq bir neçə gün davam etdiyi Cənubi Koreyada helikopter qəzaya uğrayıb. SİA xəbər verir ki, bu barədə ölkənin yerli KİV-ləri məlumat yayıb. Məlumata görə, hekilopter paytaxt Seuldan təxminən 180 kilometr cənub-şərqdə yerləşən İyson rayonunda yerə çırpılıb. Hadisə nəticəsində helikopterin göyərtəsində olan yeganə pilot həlak olub. Koreyanın meşə xidməti bildirib ki, baş vermiş qəzadan sonra bütün yanğınsöndürmə helikopterlərinin uçuşları dayandırılıb. Hazırda qəzanın baş vermə səbəbi araşdırılır. Bütün xəbərlər Facebook səhifəmizdə

Daha çox

Bu gün sonuncu Qədr gecəsidir

Qafqaz Xəbər

Bu gün Azərbaycanda Ramazan ayında sonuncu Qədr (əhya) gecəsidir. SİA xəbər verir ki, dördüncü Qədr gecəsi martın 26-dan 27-nə keçən gecəyə təsadüf edir. Qeyd edək ki, Qədr gecəsi “Quran”ın nazil olduğu gecədir. “Qurani-Kərim” İslam peyğəmbərinə 23 il ərzində hissə-hissə və Qədr gecəsində bütövlükdə nazil olub. Xatırladaq ki, martın 30-u Azərbaycanda Ramazan bayramı qeyd olunacaq.

Daha çox

Dünya birjalarında neft bahalaşıb

Qafqaz Xəbər

Dünya birjalarında neft qiymətləri bahalaşıb. SİA xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,28 dollar artaraq 73,3 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,28 dollar artaraq 69,28 dollar təşkil edib.

Daha çox

Fransa şirkəti hərbi təyyarə istehsalını sürətlə artırmağı planlaşdırır

Qafqaz Xəbər

Aviasiya və müdafiə sənayesi şirkəti olan “Dassault Aviation” istehsalı sürətlə artırmağı planlaşdırır və Emmanuel Makronun tələb etdiyi kimi, geosiyasi turbulentlik qarşısında ayda beşə qədər “Rafale” təyyarəsi tədarük etməyin mümkünlüyünü araşdırır. Ancaq hələ konkret sifarişçilər yoxdur. SİA xəbər verir ki, Fransa prezidenti hökumətin geosiyasi dəyişikliyə cavab olaraq, yeni müdafiə investisiyaları çərçivəsində Hərbi Hava Qüvvələri üçün “Rafale” təyyarələri sifarişlərini artıracağını və sürətləndirəcəyini elan edib. Bu xəbərdən sonra “Dassault Aviation”un baş direktoru Erik Trappye yerli televiziya kanalına müsahibəsində şirkətin istehsalı sürətləndirəcəyini bildirib. “Bu gün biz ayda ikidən çox (təyyarə – red.) istehsal edirik…

Daha çox

Ötən gün ölkə ərazisindən avtomat və tapançalar tapılıb

Qafqaz Xəbər

Martın 25-də polis əməkdaşları paytaxt və respublikanın ayrı-ayrı rayonlarında 2 avtomat silahı, 2 tapança, 1 qumbara atan, 1 tüfəng, 3 patron darağı, aşkar edərək götürüblər. SİA xəbər verir ki, bu barədə Daxili İşlər Nazirliyindən məlumat verilib. Bildirilib ki, DİN-in əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir. Bütün xəbərlər Facebook səhifəmizdə

Daha çox

Ermənistanın maşınlarına İranda yanacağın baha satılması ilə bağlı problem həll ediləcək

Qafqaz Xəbər

İrəvan və Tehran yaxın zamanlarda İranda Ermənistan yük maşınlarına satılan dizel yanacağının qiymətinin artması ilə bağlı problemi həll edəcək. SİA xəbər verir ki, bunu Ermənistanın xarici işlər naziri Ararat Mirzoyan martın 25-də iranlı həmkarı Abbas Əraqçi ilə birgə keçirdiyi brifinqdə bildirib. “Bu istiqamətdə iş aparılıb, hər iki ölkənin sürücüləri üçün müəyyən sadələşdirmələr təklif edən təxmini formula var. İşlər yaxın vaxtlarda yekunlaşacaq və bundan sonra qərarı dərc edəcəyik”, – o, brifinqdə qeyd edib. Erməni həmkarının açıqlamasını iranlı nazir də təsdiqləyib. A.Əraqçi vurğulayıb ki, ağır yük maşınları üçün rüsumlar da müzakirə olunub.…

Daha çox