…Rusiya enerji infrastrukturu ilə bağlı ehtimal olunan atəşkəs adı altında Ukraynada mühüm və mülki infrastruktura zərbələr endirməkdə davam edir. Bu, ABŞ prezidenti Donald Trampın müvəqqəti atəşkəsdən Ukraynada davamlı sülhün bərqərar olması üçün istifadə etmək məqsədinə uyğun gəlmir. SİA-nın məlumatına görə, bu qənaəti Müharibə Araşdırmaları İnstitutunun mütəxəssisləri martın 27-nin nəticələrinə dair hesabatında səsləndiriblər.
Onlar xatırladırlar ki, ABŞ-ın Ukrayna və Rusiya Federasiyası ilə Ər-Riyadda apardığı danışıqlardan sonra razılaşdırıldığı iddia edilən müvəqqəti atəşkəs haqqında rəsmi razılaşma mülki və ya qeyri-enerji əhəmiyyətli infrastrukturun mühafizəsini nəzərdə tutmur. Buna görə də ruslar son günlər bu hədəflərə zərbələri artırıblar.
Bunu Müharibə Araşdırmaları İnstitutu qeyd edir.
…Xüsusilə, martın 27-nə keçən gecə Rusiya hərbçiləri, Ukrayna Hərbi Hava Qüvvələrinə əsasən, “İsgəndər-M” ballistik raketi və “Şahid”lərin də olduğu 86 hücum PUA-nı buraxıblar.
Ukrayna tərəfi bildirib ki, Rusiya zərbələri Dnepr, Sumı və Xarkovda mülki infrastruktura ziyan vurub. Martın 24-də Ukrayna Silahlı Qüvvələrinin sözçüsü Yuri İqnat bəyan edib ki, Rusiya infrastrukturu məhv etmək və yerli mülki əhalini terror etmək üçün qəsdən yaşayış məntəqələrini pilotsuz təyyarələrdən atəşə tutur.
Müharibə Araşdırmaları İnstitutu xatırladır ki, 2025-ci il martın əvvəlindən müvəqqəti atəşkəs şərtləri ilə bağlı müzakirələr fonunda Rusiya qoşunları Dnepropetrovsk vilayətinin Krivoy Roq şəhərində mülki ərazilərə dəfələrlə əhəmiyyətli zərbələr endirib; Dobropillya, Donetsk vilayəti; Zolochiv, Xarkov vilayəti və Odessadakı liman infrastrukturuna…
Analitiklər xatırladırlar ki, Tramp administrasiyası əvvəllər müvəqqəti, hərtərəfli atəşkəsi (qeyd edək ki, Vladimir Putin dəfələrlə bunu rədd edib-A.B.) davamlı sülh nizamlanmasına nail olmaq üçün “zəruri addım” kimi xarakterizə edib. Bununla belə, Rusiyanın Ukraynanın mülki infrastrukturuna zərbələrini davam etdirməsi, hətta enerji infrastrukturuna zərbələrin dayandırılması kontekstində belə, Ukraynada davamlı sülhün bərqərar olması ideyasına mənfi təsir göstərir.
Əli Babayev
