Day: March 30, 2025

Novruz bayramı ilə əlaqədar şəhərlərarası yollarda hərəkətin artdığı İranda son 14 gündə baş verən yol qəzalarında 550-dən çox insanın həyatını itirdiyi açıqlanıb. SİA İRNA-ya istinadən xəbər verir ki, bu haqda İran Polisinin Trafik Şöbəsinin müdiri Əhməd Keremiesed məlumat verib. “Təəssüf ki, bu səhərə qədər (15-29 mart tarixləri arasında) 550-dən çox vətəndaşımız yol qəzalarında həyatını itirdi. Eyni zamanda, bu müddət ərzində 13 300-dən çox insan xəsarət alıb”, – o qeyd edib. İran rəsmisi şəhərlərarası yollarda hər gün bir milyondan çox sürət pozuntusunun qeydə alındığını və qəzaların əksəriyyətinin ehtiyatsızlıq və səhv ötmə…

Tramp Administrasiyası ABŞ Sülh İnstitutunun yüzlərlə əməkdaşını işdən çıxarıb. SİA xəbər verir ki, bu barədə “Washington Post” öz mənbələrinə istinadən məlumat yayıb. Bildirilib ki, ABŞ Hökumətinin Effektivliyi İdarəsi (DOGE) ABŞ Sülh İnstitutunun baş qərargahında kütləvi ixtisar həyata keçirib. Nəşrin məlumatına görə, 200-300 işçi ixtisar barədə bildiriş alıb. Bəzilərinə işdən çıxarılmalarına etiraz etməmək üçün müavinət və ya uzadılmış tibbi sığorta təklif edilib. Ümumilikdə institutda 600-ə yaxın işçi işləyir və filialları Ukrayna, Filippində və Afrikada fəaliyyət göstərir. Təşkilat böhranların sülh yolu ilə həlli və qarşısının alınması ilə məşğuldur.

İsrail vasitəçilərdən Qəzza zolağı ilə bağlı təklif aldıqdan sonra cavab təklifi irəli sürüb. SİA xəbər verir ki, bu barədə İsrail hökumətinin başçısının dəftərxanası məlumat yayıb. “Baş nazir Binyamin Netanyahu vasitəçilərdən alınmış təklifdən sonra bir sıra məsləhətləşmələr keçirib. Son saatlarda İsrail Birləşmiş Ştatlarla tam əməkdaşlıq şəraitində vasitəçilərə öz qarşı təklifini təqdim edib”, – bəyanatda deyilir. Daha əvvəl HƏMAS hərəkatı Qəzza zolağında atəşkəslə bağlı Misir və Qətərin şərtlərini qəbul edib. Bu ölkələr radikallar və İsrail arasında danışıqlarda vasitəçi kimi çıxış edirlər.

ABŞ-da kiçikmühərrikli təyyarə qəzaya uğrayıb. SİA xəbər verir ki, bu barədə NBC məlumat yayıb. Minnesota ştatında qeydə alınan hadisədə təyyarə binaya çırpılıb və böyük yanğına səbəb olub. İlkin məlumatlara görə, göyərtədə olan bütün sərnişinlər və ekipaj üzvləri ölüb. Evdə olan insanlar xəsarət almayıb. Qəzanın səbəbləri araşdırılır.

ABŞ-ın Afrika Komandanlığının (AFRICOM) qoşunları martın 29-da “İslam Dövləti”nin (İŞİD) Somalidəki mövqelərinə hava zərbələri endirib. SİA xəbər verir ki, bu barədə AFRICOM-un rəsmi saytında məlumat verilib. Əməliyyat Somali hökuməti ilə razılaşdırılıb. Əsas hədəf Puntland bölgəsindəki Boosaso şəhərinin cənub-şərqindəki İŞİD obyektləri olub. AFRICOM yaraqlıların ABŞ hərbçiləri üçün təhlükə yaratdığını bildirib. Missiyanın təfərrüatları, o cümlədən istifadə edilən silahların növü və məhvetmənin miqyası açıqlanmayıb.

Ötən gün rus işğalçı qüvvələri Xarkovda hərbi xəstəxana binasına hücum edib. SİA xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb. İlkin məlumata görə, tibb məntəqəsində müalicə alan hərbi qulluqçular arasında itkilər var. Hücumun “Şahid” PUA-sı ilə edildiyi bildirilib.