Day: March 30, 2025

Bakıya region avtovağzallarından 25 800-ə yaxın sərnişin daşınıb

Qafqaz Xəbər

Son 5 gün ərzində Bakıya region avtovağzallarından 2 847 reyslə 25 790 sərnişin daşınıb. Bu barədə SİA-ya AYNA-dan bildirilib. Qeyd edilir ki, bölgələrdən paytaxta sərnişin axınının çox olduğu nəzərə alınaraq, vətəndaşlara biletlərini əvvəlcədən “biletim.az” portalından onlayn qaydada əldə etmələri tövsiyə olunur. Hazırda portala 80 istiqamət, 51 məntəqə, 311 reys olmaqla, 357 nəqliyyat vasitəsi qoşulub. Portal vaxta qənaət, müştəri məmnuniyyətinin təmin edilməsi, ölkədə nağdsız ödəniş dövriyyəsinin artırılması baxımından bir sıra üstünlüklərə malikdir. Ölkə ərazisində fəaliyyət göstərən bütün avtovağzal və avtostansiyalar martın 31-dək gücləndirilmiş iş rejimində çalışır.

Daha çox

ÜST işçi heyətini azaltmaq niyyətindədir

Qafqaz Xəbər

Ümumdünya Səhiyyə Təşkilatı (ÜST) işinin miqyasını və əməkdaşlarının sayını, o cümlədən yüksək rəhbərlik səviyyəsində azaltmağı düşünür. SİA xəbər verir ki, bu barədə “Reuters” məlumat yayıb. Qeyd olunub ki, belə tədbirlər ən böyük sponsor olan ABŞ-nin təşkilatdan çıxması fonunda maliyyələşdirmə problemləri səbəbindən nəzərdən keçirilir. ÜST-ün rəhbəri Tedros Adhanom Qebreyesusun bəyanatında bildirilib ki, Vaşinqtonun qərarı digər ölkələrin müdafiə xərclərini artırmaq üçün yardımı azaltması ilə birlikdə vəziyyəti əhəmiyyətli dərəcədə kəskinləşdirib. Xatırladaq ki, yanvarın 21-də ABŞ Prezidenti Donald Tramp ABŞ-nin ÜST-dən çıxması haqqında fərman imzalayıb. Amerika liderinin administrasiyası onun qərarını “COVID-19 pandemiyasına yanlış münasibət”,…

Daha çox

Səudiyyə Ərəbistanının Kralı Prezident İlham Əliyevi təbrik edib

Qafqaz Xəbər

Səudiyyə Ərəbistanının Kralı Salman bin Əbdüləziz Al Səud Azərbaycan Prezident İlham Əliyevi təbrik edib SİA xəbər verir ki, təbrikdə deyilir: “Əs-səlamu əleykum və rəhmətullahi və bərəkətuhu. Zati-alinizə mübarək Ramazan bayramı münasibətilə ən səmimi təbriklərimizi və xoş arzularımızı çatdırmaqdan məmnunluq duyuruq. Sizə cansağlığı və xoşbəxtlik arzulayırıq. Allahdan diləyirik ki, bu mübarək bayramda Zati-alinizə və qardaş xalqınıza daha çox tərəqqi və firavanlıq nəsib etsin, həmçinin İslam ümmətimizi qüdrətli və sabit etsin. Zati-alinizə salamlarımızı çatdırır və ehtiramımızı bildiririk”.

Daha çox

ABŞ Somalidə İŞİD mövqelərinə zərbə endirib

Qafqaz Xəbər

ABŞ Silahlı Qüvvələrinin Afrika Komandanlığı (AFRICOM) Somalidə İŞİD terror qruplaşmasının mövqelərinə zərbə endirib. SİA-nın xəbərinə görə, bu barədə AFRICOM-un saytında məlumat yerləşdirilib. Əməliyyat martın 29-da Somali hökuməti ilə koordinasiyalı şəkildə həyata keçirilib. Hədəf Bosasodan cənub-şərqdə, Puntland bölgəsində yerləşən İŞİD mövqeləri olub.

Daha çox

Naxçıvanda bayram namazı qılınıb

Qafqaz Xəbər

Ramazan ayının başa çatması münasibətilə Naxçıvan Muxtar Respublikasında bayram namazı qılınıb. SİA xəbər verir ki, dini ayinlər Naxçıvan şəhərindəki Heydər, Sarvanlar, Came və Kazım Qarabəkir Paşa məscidlərində icra olunub. Həmçinin bayram namazı muxtar respublikanın digər rayonlarındakı məscidlərdə də qılınıb. Namazdan sonra dualar oxunub. Xatırladaq ki, bu il Azərbaycanda Ramazan ayı martın 1-də başlayıb. Nazirlər Kabinetinin müvafiq qərarına əsasən, martın 30-u və 31-i Azərbaycanda Ramazan bayramı qeyd edilir.

Daha çox

ABŞ Səfirliyinin müvəqqəti işlər vəkili Azərbaycan xalqını təbrik edib

Qafqaz Xəbər

ABŞ Səfirliyinin müvəqqəti işlər vəkili Hüqo Qevara Azərbaycan xalqını Ramazan Bayramı münasibətilə təbrik edib. SİA xəbər verir ki, bununla bağlı səfirliyin “X”dəki hesabında paylaşım edilib. “Amerika Birləşmiş Ştatları adından Ramazan Bayramı münasibətilə Azərbaycan xalqını səmimi qəlbdən təbrik edirəm. Bu mübarək ayın sonunda sizə və sevdiklərinizə sülh, sevinc və firavanlıq arzulayıram. Ramazan bayramınız mübarək!”, – paylaşımda qeyd edilir.

Daha çox

İndoneziya sahillərində 5,1 maqnitudalı zəlzələ olub

Qafqaz Xəbər

İndoneziya sahillərində 5,1 maqnitudalı zəlzələ olub. SİA xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Zəlzələnin episentri təxminən 250 min nəfər əhalisi olan Banda Açex şəhərindən 12 km cənub-şərqdə, ocağı 10 km dərinlikdə yerləşib. Tələfat və dağıntılar barədə məlumat yoxdur. Sunami təhlükəsi elan olunmayıb.

Daha çox

Səudiyyə Ərəbistanının Baş naziri İlham Əliyevi təbrik edib

Qafqaz Xəbər

Səudiyyə Ərəbistanının Kralı Salman bin Əbdüləziz Al Səud Azərbaycan Prezident İlham Əliyevi təbrik edib. SİA xəbər verir ki, təbrikdə deyilir: “Əs-səlamu əleykum və rəhmətullahi və bərəkətuhu. Zati-alinizə mübarək Ramazan bayramı münasibətilə ən səmimi təbriklərimizi və xoş arzularımızı çatdırmaqdan məmnunluq duyuruq. Sizə cansağlığı və xoşbəxtlik arzulayırıq. Allahdan diləyirik ki, bu mübarək bayramda Zati-alinizə və qardaş xalqınıza daha çox tərəqqi və firavanlıq nəsib etsin, həmçinin İslam ümmətimizi qüdrətli və sabit etsin. Zati-alinizə salamlarımızı çatdırır və ehtiramımızı bildiririk”.

Daha çox

Azərbaycanda Ramazan ayının başa çatması ilə əlaqədar bayram namazı qılınıb

Qafqaz Xəbər

Ramazan ayının başa çatması ilə əlaqədar Azərbaycanda bu gün bayram namazı qılınıb. SİA xəbər verir ki, saat 08.00-da Əjdərbəy məscidində, saat 09.00-da isə Təzəpir məscidində bayram namazının qılınmasına başlanıb. Yüz minlərlə insan məscidlərə axışaraq namaz qılıb, dualar edib, Allahdan bağışlanmasını diləyiblər. Daha sonra dindarlar bir-birlərini bayram münasibətilə təbrik ediblər.

Daha çox

Zəlzələdə ölənlərin sayı 1000 nəfəri keçib

Qafqaz Xəbər

Myanmada 7,7 və 6,4 bal gücündə iki zəlzələdə ölənlərin sayı mini keçib! SİA-nın xarici mətbuata istinadən verdiyi məlumata görə, Myanmada baş verən 7,7 və 6,4 bal gücündə zəlzələlərdə ölənlərin sayı 1002-yə, yaralıların sayı isə 2 min 376-ya çatıb. Digər tərəfdən, zəlzələnin güclü hiss olunduğu Tailandın paytaxtı Banqkokda uçan hündürmərtəbəli binanın tikintisi zamanı 6 nəfərin öldüyü, 22 nəfərin yaralandığı bildirilib. Episentri Myanmanın mərkəzi hissəsindəki Saqainq bölgəsində olan zəlzələlərdə həyatını itirənlərin sayının 1000-ə çatdığı halda, itkilərin daha da artacağından ehtiyat edilir.

Daha çox