Rusiya Prezidenti Vladimir Putin hərbi xidmətə yaz çağırışı ilə bağlı fərman imzalayıb. SİA xəbər verir ki, bu barədə sənəd hüquqi aktların dərci üçün rəsmi portalda yerləşdirilib. Sərəncama əsasən, kampaniya aprelin 1-dən başlayacaq və iyulun 15-dək davam edəcək. Bu proqram çərçivəsində 160 min nəfər Rusiya Silahlı Qüvvələrində xidmətə çağırılacaq. Çağırış üzrə hərbi xidmət müddəti başa çatmış hərbi qulluqçuların tərxis edilməsi üçün də həmin sənəddən istifadə edilir.
