ABŞ-ın keçmiş prezidenti Barak Obama növbəti prezident seçkilərində hazırkı dövlət başçısı Donald Trampın əsas rəqibi ola bilər.
SİA-nın məlumatına görə, bunu rusiyalı senator Aleksey Puşkov özünün Telegram kanalında bildirib.
…Bir gün əvvəl Qərb mediası vəkil Boris Epstein qanunları öyrəndiyini və ABŞ prezidentinin üçüncü müddətə namizədliyini irəli sürməsinin yolunu tapdığını yazmışdı. Tramp da öz növbəsində qeyd edib ki, o, növbəti müddətə namizədliyi ilə bağlı “zarafat etmir”.
O, əlavə edib ki, növbəti seçkilərdə iki müddət ABŞ prezidenti olan Barak Obamaya qarşı “məmnuniyyətlə” yarışacaq.
…ABŞ-da üçüncü müddətə namizədliyi qadağan edən düzəliş ləğv edilərsə, Obama həqiqətən də Trampın ən ciddi rəqibi və bəlkə də yeganə rəqibi kimi görünəcək. Demokratik partiya indi ölüb, onun lideri yoxdur, – Puşkov izah edib.
…ABŞ-ın 1951-ci ildə qəbul edilmiş əsas qanununa 22-ci düzəlişə əsasən, eyni şəxs iki dəfədən çox olmayaraq dövlət başçısı seçilə bilər.
Eyni zamanda, ekspertlərin qeyd etdiyi kimi, son aylar ABŞ-da bu məhdudiyyətdən necə yan keçmək barədə geniş ictimai müzakirələr aparılıb.
Ekspertlər hesab edirlər ki, bir neçə variant mümkündür: Konqres vasitəsilə, prezidentin vitse-prezidentlə əvəzlənməsi mexanizmi və ya ərazi satınalmaları yolu ilə.
Əli Babayev
