…Digər Koreya avtomobil istehsalçıları da Rusiya bazarına qayıtmağı düşünürlər. Ukrayna münaqişəsinə son qoymaq üçün aparılan danışıqlar fonunda Rusiya avtomobil bazarına maraq artır.
SİA-nın rus saytlarından əldə etdiyi məlumata görə, Cənubi Koreyalı avtomobil mütəxəssisləri Rusiya bazarına qayıtmaq imkanlarını müzakirə edirlər. Çərşənbə axşamı, aprelin 1-də Koreya Avtomobil və Mobil Sənaye Assosiasiyası (KAMA) Rusiya avtomobil bazarında mövcud vəziyyəti təhlil edən və avtomobil istehsalçılarına tövsiyələr verən hesabat təqdim etdi.
Ukrayna münaqişəsinə son qoymaq üçün aparılan danışıqlar fonunda Rusiya avtomobil bazarına maraq artır. Əvvəllər Sankt-Peterburqdakı zavodunu iki il ərzində geri almaq hüququ ilə simvolik qiymətə satan Hyundai Motor Group-a xüsusi diqqət yetirilir. Lakin şirkət hələlik bu məsələ ilə bağlı qərar verməyib.
Hesabatda deyilir ki, Rusiyadakı hazırkı şərtlər xüsusi əməliyyat və sanksiyalardan əvvəl mövcud olanlardan xeyli fərqlənir. Dəyişikliklər bazar iştirakçılarına və Çin kimi Rusiyaya dost ölkələrə yönəldilmiş tədarük strukturuna təsir etdi.
Rusiya hökuməti də yerli avtomobil sənayesini dəstəkləmək üçün tədbirləri gücləndirməyə başlayıb. Bu, geri qayıtmaq istəyən xarici avtomobil istehsalçıları üçün əlavə maneələr yaradır.
Nazlı Almuradova
