NATO Müttəfiq Qüvvələrinin Avropadakı Ali Baş Komandanı, ABŞ generalı Kristofer Kavoli Rusiya və Çin arasında hərbi əməkdaşlığın inkişafından narahatlığını ifadə edib.
SİA-nın məlumatına görə, onun sözlərini TASS xəbər verir.
…Rusiyanın düşmənlərimizlə dərinləşən strateji tərəfdaşlığı qlobal təhlükəsizlik mühitini daha da çətinləşdirir və ABŞ üçün təhlükə yaradır.
O, Senatın Silahlı Qüvvələr Komitəsində dinləmələr zamanı ifadəsində deyib.
Generalın fikrincə, Rusiya ilə Çin arasında iqtisadi və hərbi əməkdaşlığın dərinləşməsi o deməkdir ki, ABŞ-ın eyni vaxtda bir neçə təhlükə ilə üzləşməsi ehtimalı artır.
O, həmçinin vurğulayıb ki, ABŞ-ın düşmənləri “Ukraynadakı müharibədən dərs alır və hərbi texnologiyalar mübadiləsini artırırlar”.
Kavoli daha əvvəl çıxışında bildirib ki, Rusiya silahlı qüvvələrinin sayını görünməmiş sürətlə artırır və hərbi texnika və sursatları əvəz edir.
Əli Babayev
