…Saratov meriyası büdcə çatışmazlığı səbəbindən İosif Stalinə abidə ucaltmaqdan imtina edib.
SİA-nın məlumatına görə, bu barədə “Ehtiyatlı olun, Xəbərlər” Telegram kanalı yazıb.
Rusiya Federasiyası Kommunist Partiyasından olan deputatlar Vladimir Esipov və Aleksandr Anidalov Böyük Vətən Müharibəsində qələbənin 80 illiyi şərəfinə Stalinə abidə ucaldılmasını xahiş ediblər.
Onlar postamenti Qələbə parkında quraşdırmağı planlaşdırıblar.
Lakin şəhər rəhbərliyi büdcədə “monumental və dekorativ dizaynın quraşdırılması üçün maliyyə nəzərdə tutulmadığını” cavablandırıb.
Merin müavini onu da deyib ki, Sokolovaya Qoradakı Qələbə parkı əsgərlərə həsr olunmuş yaradılmış memorial kompleksdir.
Bulanov cavab olaraq bildirib ki, rəsmilər “1945-ci ildə böyük qələbənin Kommunist Partiyası və Generalissimus Stalinin rəhbərliyi altında sovet xalqı tərəfindən qazanıldığını etiraf etmək istəmirlər”.
Qeyd edək ki, İosif Stalinin abidəsinin ucaldılması təklifi bu günlərdə Rusiyanın müxtəlif şəhərlərində Rusiya Federasiyası Kommunist Partiyasının nümayəndələri tərəfindən eşidilib. Belə ki, əvvəllər abidənin Nijni Novqorodda quraşdırılması təklif edilmişdi.
Rusiya Federasiyası Kommunist Partiyasının yerli şöbəsindən də analoji təklif Kalininqradda edilib və orada hakimiyyət abidəni ucaltmaqdan imtina edib.
Onlar şəxsiyyətə pərəstiş və siyasi repressiyaları pisləyən tarixi sənədlərə istinad ediblər..?
Əli Babayev
