İsrailin baş naziri Benyamin Netanyahu aprelin 6-da Macarıstana səfərindən sonra Amerika lideri Donald Trampla yeni tarifləri müzakirə etmək üçün ABŞ-a uçacaq.
SİA-nın məlumatına görə, bu barədə RİA Novosti İsrail hökumətindəki mənbəyə istinadən xəbər verir.
…Baş nazir Trampla görüşmək üçün Budapeştə səfərindən sonra Vaşinqtona uçmalıdır, – məlumatda deyilir.
Mənbə qeyd edib ki, iki liderin müzakirələrinin gündəliyinə girovların vəziyyəti, Qəzzada hərbi əməliyyatlar, Yaxın Şərqdəki hadisələr və tarif məsələsinin müzakirəsi daxildir.
Bundan əvvəl məlum olmuşdu ki, ABŞ prezidenti Donald Tramp Ağ Evin proteksionist siyasəti fonunda bu ölkələrə tətbiq edilən tariflərin yumşaldılması təklifi ilə bağlı Vyetnam, Hindistan və İsrail nümayəndələri ilə əlaqə saxlayıb.
Qeyd olunur ki, Trampın bu ölkələrlə qarşılıqlı əlaqəsi Ağ Ev tərəfindən “danışıqların ilk dalğası” kimi qiymətləndirilir.
Əli Babayev
