Azərbaycan XİN Antiqua və Barbudanı təbrik edib

Azərbaycanın Xarici İşlər Nazirliyi (XİN) Antiqua və Barbudanı iki ölkə arasında diplomatik münasibətlərin qurulmasının 30-cu ildönümü münasibətilə təbrik edib. SİA xəbər verir ki, bu barədə qurumun “X” hesabında məlumat paylaşılıb. “Bu əlamətdar gündə Antiqua və Barbudanı hökumətinə və qalqına ən xoş arzularımızıçatdırırıq!”,- paylaşımda qeyd edilib.

Daha çox

İsveçli jurnalist Viola Devis müxtəlifliklə bağlı sual verdiyi üçün müsahibədən uzaqlaşdırıldı

“P1 Kultur” radio proqramının əməkdaşı isveçli jurnalist Emma Enqström “G20” filminin efirə çıxması ilə əlaqədar amerikalı aktrisa Viola Devis ilə təşkil edilmiş onlayn müsahibədə iştirak edib. Devis filmdə qaradərili ABŞ Prezidenti rolunu oynayır. Lakin müsahibə gözlənilmədən yarımçıq kəsilib. Buna səbəb Enqströmün kino sənayesində irqi və gender müxtəlifliyi ilə bağlı sual verməsi olub. SİA xəbər verir ki, müsahibədən əvvəl filmin PR şöbəsi jurnalisti siyasi mövzulardan çəkinməyə çağırıb. Buna baxmayaraq, Enqström bildirib ki, filmin özü açıq-aşkar siyasi xarakter daşıyır və qadınların, eləcə də fərqli etnik mənşəyə sahib insanların siyasətdəki rolunu gündəmə gətirir.…

Daha çox

“Bakı Biznes Mərkəzi”nin keçmiş direktoruna yeni vəzifə verilib

İqtisadiyyat Nazirliyinə məxsus “Bakı Biznes Mərkəzi” MMC-nin keçmiş direktoru Seyran Məmmədova yeni vəzifə verilib. SİA-nın əldə etdiyi məlumata görə, o, əmək və əhalinin sosial müdafiəsi nazirinin köməkçisi təyin olunub. Nazirlikdən faktı təsdiq ediblər. Xatırladaq ki, S.Məmmədov “Bakı Biznes Mərkəzi”nə 15 il rəhbərlik edib və ötən ay bu vəzifəni tərk edib.

Daha çox

2-ci əl avtomobillərin təkrar satışı ilə yaranan ƏDV öhdəlikləri müzakirə edilib

İqtisadiyyat Nazirliyi yanında Dövlət Vergi Xidmətində 2-ci əl avtomobillərin təkrar satışı hesabına yaranan ƏDV öhdəlikləri müzakirə edilib. SİA bu barədə quruma istinadən xəbər verir. Məlumata görə, müzakirələr Dövlət Vergi Xidmətinin Vergi siyasəti baş idarəsi, İqtisadi təhlil və proqnozların icrasına nəzarət baş idarəsi və avtomobil dilərlərinin nümayəndələrinin iştirakı ilə keçirilən görüşdə baş tutub. Tədbirdə “Azərbaycan Avtomobil Dilerləri Assosiasiyası” İctimai Birliyi avtomobil bazarının cari vəziyyəti barədə statistik məlumatlar səsləndirib. Qanunvericlikdə tətbiq olunan yeni güzəşt mexanizmləri sayəsində son illər elektrik və hibrid mühərrikli avtomobillərin sayında artım olduğu diqqətə çatdırılıb. Görüş zamanı rəsmi dilerlərin…

Daha çox

Ombudsman Qanunsuz Miqrantların Saxlanılması Mərkəzində nöqsanlar aşkarlanıb

Ombudsmanın Milli Preventiv Qrupunun (MPQ) üzvləri Dövlət Miqrasiya Xidmətinin Bakı Şəhər Qanunsuz Miqrantların Saxlanılması Mərkəzinə və Yevlax rayon Müvəqqəti Yerləşdirmə Mərkəzinə başçəkmələr həyata keçiriblər. SİA xəbər verir ki, bu barədə Ombudsman Aparatı məlumat yayıb. Bildirilib ki, BMT-nin “İşgəncə və digər qəddar, qeyri-insani və ya ləyaqəti alçaldan rəftar və ya cəza əleyhinə Konvensiya”sının Fakültativ Protokolu və Ombudsman haqqında Konstitusiya Qanunu əsasında təşkil olunmuş başçəkmələrin məqsədi müəssisədə əcnəbilər üçün yaradılan şərait və rəftar məsələlərinin, habelə daxil olmuş müraciətlərin araşdırılması, sənədləşmənin aparılması vəziyyətinin, eləcə də ötən il MPQ tərəfindən müəssisələrdə aşkar edilmiş nöqsan…

Daha çox

Rusiya yenə Krivoy Roqu vurdu

Rusiya ordusu Ukraynanın Krivoy Roq şəhərinə zərbə endirib. SİA xəbər verir ki, bu barədə şəhərin Müdafiə Şurasının sədri Aleksandr Vilkul məlumat yayıb. Hücum nəticəsində 12 nəfər ölüb, 50 nəfər isə yaralanıb. Qeyd edək ki, Rusiya aprelin 2-də də Krivoy Roqa ballistik raket zərbəsi endirib. Zərbə nəticəsində ölənlər olub.

Daha çox

Netanyahu ABŞ-yə gedir

İsrailin Baş naziri Benyamin Netanyahu aprelin 7-də Ağ Evə səfər etməyi və ABŞ Prezidenti Donald Trampla görüşməyi planlaşdırır. SİA xəbər verir ki, bu barədə “Axios” portalı məlumat yayıb. “Səfər planlaşdırıldığı kimi baş tutsa, Netanyahu rüsumlara son qoymaqla bağlı razılaşmanı müzakirə etmək üçün Trampla şəxsən görüşən ilk xarici lider olacaq”, – mənbənin məlumatında deyilir. Liderlərin həmçinin İranın nüvə böhranı və Qəzzadakı müharibəni müzakirə edəcəyi gözlənilir.

Daha çox

Hava yağmursuz keçib

Azərbaycanda hava yağmursuz keçib, bəzi yerlərdə duman müşahidə olunur. Bu barədə SİA-ya Milli Hidrometeorologiya Xidmətindən məlumat verilib. Bildirilib ki, aprelin 5-i saat 10:00-a olan məlumata əsasən, ölkə ərazisində hava şəraiti əsasən yağmursuz keçib. Bəzi rayonlarda qərb küləyi əsib, küləyin sürəti arabir Gəncədə 18 m/s, Sabirabadda 16 m/s, Şəki və Zaqatalada 15 m/s, Mingəçevirdə 14 m/s-yə çatıb. Abşeron yarımadasının bəzi yerlərində eyni zamanda, Naftalan, Şamaxı, Sabirabad, Kürdəmir, Cəfərxan, Yevlax, Neftçala, Biləsuvar, Altıağac, Qrız və Lerikdə duman müşahidə olunur, görünüş məsafəsi 500 metrədək məhdudlaşır. Havanın maksimal temperaturu Bakıda və Abşeron yarımadasında 19,…

Daha çox

Dünya fond bazarlarında kəskin eniş davam edib

Donald Trampın “Azadlıq günü” tarifləri artıq iki gündür ki, dünya fond birjalarında kəskin enişə səbəb olub. SİA-nın məlumatına görə, aprelin 4-də Amerika fond bazarlarında Dow Jones indeksi 5.50% – 38,314.86 bəndədək, S&P 500 indeksi 5.97% – 5,074.08 bəndədək, Nasdaq indeksi isə 5.82% – 15,587.79 bəndədək enib. Avropa fond bazarlarında isə aprelin 4-də FTSE 100 indeksi 4.95% – 8,054.98 bəndədək, Almaniyanın DAX indeksi 4.95% – 20,641.72 bəndədək, Fransanın CAC-40 indeksi isə 4.26% – 7,274.95 bəndədək azalıb. Dünya bazarında avronun dollara qarşı məzənnəsi də 0.87% azalaraq 1.0956 dollar təşkil edib.

Daha çox

Ağdərənin Suqovuşan kəndinə növbəti köç karvanı yola salınıb

Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir. Plana uyğun olaraq, bu gün Ağdərə rayonunin Suqovuşan kəndinə növbəti köç karvanı yola salınıb. SİA-nın verdiyi xəbərə görə, bu mərhələdə kəndə 53 ailə – 174 nəfər köçürülür. Suqovuşan kəndinə köç edənlər ölkənin müxtəlif yerlərində, əsasən, yataqxanalarda, sanatoriya və inzibati binalarda müvəqqəti məskunlaşmış ailələrdir.

Daha çox