Day: April 5, 2025

Rusiya Ukraynanın Krivoy Roq şəhərini ballistik raketlərlə vurub. SİA xəbər verir ki, bu barədə Ukrayna Fövqəladə Hallar üzrə Dövlət Xidməti məlumat yayıb. Məlumata görə, raket yaşayış massivinə düşüb. Nəticədə 14 mülki şəxs həlak olub. Onlardan 6-sı uşaqdır. 50-dən çox insan isə xəsarət alıb. Güclü partlayış dalğası ən azı beş evə ziyan vurub. Pəncərələrin sındığı, avtomobil və qarajların yandığı bildirilir. Ölü və yaralı sayının artacağı istisna edilmir. Qeyd edək ki, bu, son günlərdə Krivoy Roqa edilən ikinci raket hücumdur.

Daha çox

“Kanada dünya lideri kimi ABŞ-nin yerini tuta bilər”. SİA xəbər verir ki, bunu Kanadanın Baş naziri Mark Karni “The New York Times” (NYT) qəzetinə müsahibəsində deyib. Siyasətçinin sözlərinə görə, Vaşinqtonun etimada əsaslanan ittifaqlar yaratdığı, mal və xidmətlərin sərbəst mübadiləsini müdafiə etdiyi dövr başa çatıb. “Əgər Birləşmiş Ştatlar artıq liderlik etmək istəmirsə, Kanada olacaq”, – o qeyd edib.

Daha çox

“ABŞ-nin Türkiyəyə qarşı sanksiyaları tarixi səhv idi”. SİA xəbər verir ki, bunu Türkiyənin xarici işlər naziri Hakan Fidan Brüsseldə “Reuters”ə müsahibəsində deyib. Nazir qeyd edib ki, Trampın yeni siyasəti Avropa üçün bir fürsətdir: “Əsas aktorların artıq düşmənçilik etmədiyini və hansısa formada əməkdaşlıq etdiyini görsək, düşünürəm ki, Soyuq Müharibədən bizə miras qalan, əsasən ABŞ və Rusiya arasında düşmənçilik üzərində qurulmuş mentalitet böyük dəyişikliyə məruz qalacaq”. O həmiçin bildirib ki, Trampın Türkiyənin müdafiə sənayesinə illərdir tətbiq edilən sanksiyalara son qoyacağına ümid edir: “Sanksiyalar düzəldilməlidir. Düşünürəm ki, cənab Tramp komandası ilə bir növ…

Daha çox

Dünyanın 90 ölkəsindən 20 mindən çox zəvvar Vatikanda toplaşacaq. SİA xəbər verir ki, Vatikanda qeyd olunan Müqəddəs Yubiley İli çərçivəsində aprelin 5-6-da keçiriləcək Xəstə və Səhiyyə İşçilərinin Yubileyində xəstələr, həkimlər, tibb bacıları, əczaçılar, fizioterapevtlər və digər səhiyyə işçiləri daxil olmaqla 90 ölkədən 20 mindən çox zəvvar iştirak edəcək. Bu, yubiley ilinin əsas bayramlarından biridir. Zəvvarlar Müqəddəs Pyotr Kilsəsinin müqəddəs qapısında keçəcəklər. Tədbirdə İtaliya ən çox iştirakçı ilə təmsil edilən ölkə olacaq. Eyni zamanda, ABŞ, İspaniya, Kolumbiya, Argentina, Braziliya, Fransa, Meksika, Almaniya, Xorvatiya, Filippin, Peru, Avstraliya, Çili, Efiopiya, Kanada və Kamerundan…

Daha çox

Suriyada “demokratik qüvvələr” adı altında fəaliyyət göstərən PKK/YPG terrorçuları Hələb şəhərinin mərkəzini tərk etməyə başlayıblar. SİA xəbər verir ki, onlar Dəməşq hakimiyyəti ilə əldə edilən razılığa uyğun olaraq şəhərdən gedirlər. İmzalanan yeni razılaşmaya əsasən onlar Fəratın şərqinə doğru geri çəkilirlər. KİV-lər bildirir ki, təxminən 250 terrorçunu aparan 35 avtomaşından ibarət ilk karvan Hələbdən ayrılıb. Karvanda üzərində ağır silahlar olan hərbi avtomobillər diqqət çəkib. Qeyd edək ki, terrorçular Hələbin Şeyx Məqsud və Əşrəfiyyə məhəllələrini 2012-ci ildə işğal etmişdilər.

Daha çox

Siyasi şərhçi Olivier Bomontun yeni kitabında Fransa Prezidenti Emmanuel Makronun qeyri-adi vərdişindən bəhs olunub. SİA xəbər verir ki, “Prezidentin qoxusu” adlı ayrıca fəsildə Bomont Makronun vərdişini ətraflı təsvir edir. Belə ki, prezident “Christian Dior”un “Eau Sauvage” ətrindən çox istifadə edir. “Makrona aid bütün yerlərdə ətir qablarına rast gəlmək mümkündür. Yelisey Sarayının dəhlizlərinə bir dəfə çıxmaq kifayətdir ki, onun buradan nə vaxt keçdiyini yəqin edəsən” – şərhçi yazır. Bomontun sözlərinə görə, Makron gün ərzində müntəzəm və əhəmiyyətli miqdarda ətir vurur.

Daha çox