…Yəmən husilərinə qarşı çıxan ölkələrin koalisiyası yaxın vaxtlarda Yəmən ərazisində quru əməliyyatına başlaya bilər. SİA-nın məlumatına görə, bu barədə CNN regiondakı diplomatik dairələrdəki mənbələrə və hərbi analitiklərə istinadən xəbər verir.
Telekanalın məlumatına görə, münaqişənin quru mərhələsinə hazırlıq cənub, şərq və sahil boyu hücumu nəzərdə tutur.
Əsas məqsəd husilərin nəzarətində olan ölkənin paytaxtı Sənanın və Hudeyda limanının azad edilməsi ola bilər.
CNN mənbələri qeyd edir ki, fəaliyyətlərin koordinasiyası Səudiyyə Ərəbistanı və ABŞ-ın dəniz istiqamətindən mümkün dəstəyi ilə həyata keçirilir.
Əməliyyatda iştirak edə biləcək qüvvələrin dəqiq tərkibi qeyri-müəyyən olaraq qalır.
Rəsmi Yəmən hökumətinə sadiq olan müxtəlif fraksiyaların koordinasiya səviyyəsi və onların döyüşə hazırlıq səviyyəsi də sual altında qalır.
15 mart 2025-ci ildə ABŞ Prezidenti Donald Tramp Husilərin mövqelərinə genişmiqyaslı zərbələr endirmək əmri verdiyini açıqladı.
Bununla belə, The New York Times qəzetinin yazdığı kimi, Amerika silahlı qüvvələrinin hərəkətləri üsyançıların hərbi infrastrukturuna yalnız məhdud ziyan vurub.
CNN-in məlumatına görə, Birləşmiş Ştatlar böyük ehtimalla münaqişə zonasına böyük quru qoşunlarını göndərməyəcək, özünü aviasiya üçün hədəf təyinatını təmin edən xüsusi təyinatlıların iştirakı ilə məhdudlaşdıracaq.
Əli Babayev
