…Amerika prezidenti Donald Tramp Rusiya Federasiyası ilə danışıqlar zamanı Krımı və digər əraziləri Rusiyanın bir hissəsi kimi tanısa, tarixi səhvə yol vermiş olacaq. Bunu Seymin Xarici Əlaqələr Komitəsinin rəhbəri və Polşa hökumətinin Ukrayna üzrə müşaviri Pavel Koval deyib.
Onun sözlərinə görə, Ukraynanın keçmiş əraziləri qanuni olaraq Rusiya kimi tanınsa, Polşa və Avropa üçün qırmızı xətt keçiləcək.
SİA-nın məlumatına görə, Koval əlavə edib ki, atəşkəs üçün “müvəqqəti həllər” ilə Moskvanın Krımın, Donbassın və ya Ukraynanın digər hissələrinin tanınması ilə bağlı gözləntilərini yerinə yetirmək arasında fərq var.
“Financial Times” yazır bunu.
SSRİ dağılandan sonra Rusiya Ukraynanı sərhədləri, o cümlədən Krım və Donbassla tanıyıb və bu, hüquq normalarının əsasını təşkil edir.
Onun sözlərinə görə, Mərkəzi Avropada sərhədlərin təminatları da sülhün qorunması üçün əsas təminatlardan biridir.
Əli Babayev
