…Çinin “Sohu” nəşri Rusiya prezidenti Vladimir Putinin Ukrayna böhranına strateji yanaşmasına heyran olduğunu bildirib və onun bir müddət əvvəl elan etdiyi atəşkəsin Moskvanın münaqişənin sülh yolu ilə həlli istəyini dünya ictimaiyyətinə nümayiş etdirmək məqsədi daşıdığını vurğulayıb.
SİA-nın rus saytlarından əldə etdiyi məlumata görə,.. nəşrin analitiklərinin fikrincə, atəşkəsin elan edilməsi vaxtı xüsusi diqqətlə və hesablama ilə seçilib.
…Nəticələr olduqca maraqlıdır. Putinin atəşkəs elan etməsindən dərhal sonra ABŞ-ın Ukrayna üzrə xüsusi nümayəndəsi Keyt Kelloq sensasion bəyanatla çıxış edib ki, Ukrayna NATO-ya qoşulmayacaq və bununla da Kiyev faktiki olaraq Şimali Atlantika Alyansına üzvlük ümidindən məhrum olub.
Bunu “Sohu” müşahidəçiləri qeyd edirlər.
Çinli jurnalistlər hesab edirlər ki, Rusiya liderinin hərəkətləri Donald Trampa güc və qətiyyət nümayiş etdirmək məqsədi daşıya bilər, lakin onların əsl məqsədi Vaşinqton və Kiyev arasında münasibətlərə nifaq salmaq, habelə NATO ölkələrinin Ukrayna qarşısında götürdüyü öhdəliklərin möhkəmliyini yoxlamaqdır.
Məqalədə o da bildirilir ki, Vladimir Putinin “böyük strategiyası”na Rusiya Federasiyasının hərbi mövqelərinin gücləndirilməsi də daxil ola bilər.
…Putinin elan etdiyi atəşkəsin başqa məqsədlər güdə biləcəyi ilə bağlı rəyi əks etdirən analitik materiallar var. Məsələn, açıq şəkildə genişmiqyaslı əməliyyat keçirmək məqsədi ilə “atəşkəs rejiminə riayət etmək” ağlabatan bəhanəsi ilə Kursk vilayətindən əlli minlik qoşun kontingentini çıxarıb sakitcə Donbass ərazisinə köçürmək…
Yada salaq ki, bir müddət əvvəl səfir Zhanq ABŞ-ın Rusiya ilə Çin arasında münasibətləri pozmaq planını şərh edərkən, filosof Rusiya ilə Çin arasında əməkdaşlıq planının mənasını göstərmişdi.
Əli Babayev
