Molekulyar genomik testlər mart ayında Ulan-Udedə tapılan cəsədlərin Buryatiya xanım gözəllik müsabiqəsinin finalçısı Seseg Buinova və Stas Norboyevə aid olduğunu təsdiqləyib.
SİA xəbər verir ki, bu barədə RİA Novosti-yə Rusiyanın regional İstintaq Komitəsinin mətbuat xidmətindən məlumat verilib.
Xatırladaq ki, 2025-ci ilin martında Ulan-Udenin Aeroport qəsəbəsindəki qaraj kompleksində kişi və qadın meyiti aşkar edilmişdi. Onlar təxminən iki metr dərinlikdə buz, dağıntı və qum qatının altındakı çuxurda idilər.
Onların bir il əvvəl yoxa çıxan Buinova və Norboyevə aid ola biləcəyi güman edilirdi.
…Aşkar edildikdən sonra qurbanların şəxsiyyəti yaxınları tərəfindən müəyyən edilib: “Hazırda molekulyar genomik ekspertizanın nəticələri bu tapıntıları təsdiqləyib”, – Rusiya Federasiyasının Buryatiya üzrə İstintaq Komitəsi bildirib.
Buinova və Norboev 2024-cü il aprelin 11-də Ulan-Udedə itkin düşüblər.
Onlar sonuncu dəfə gözəllik müsabiqəsinin finalçısının maşını ilə 100-cü məhəlləyə doğru uzaqlaşarkən görülüblər. Daha sonra onların şəxsi əşyaları və avtomobili şəhərin müxtəlif yerlərində tapılıb.
Əli Babayev
