…Milli Aeronavtika və Kosmik Tədqiqatlar İdarəsi (NASA) tezliklə Marsa raket göndərmək variantlarını nəzərdən keçirir. …Biz 2026 və 2028-ci illərdə buraxılış pəncərələri də daxil olmaqla bütün variantları qiymətləndiririk ki, nəticədə Marsa insanları endirməyə imkan verəcək texnologiyaları sınaqdan keçiririk.
SİA-nın məlumatına görə, “Politico” bunu NASA-nın mətbuat katibi Betanu Stivens-ə istinadən bildirir.
…Bu, 2026 və 2028-ci illər nəzərdə tutulur, çünki bu, Yer və Marsın bir-birinə ən yaxın olacağı dövrlərdir və bu, uçuşlar üçün əlverişlidir.
Politico-nun qeyd etdiyi kimi, NASA-nın bəyanatı kosmosun tədqiqində prioritetlərin dəyişdirilməsindən xəbər verir, çünki ABŞ Konqresi artıq Ayın kəşfiyyatı proqramını təsdiqləyib və NASA-nı Yerin peykində və ya onun yaxınlığında uzunmüddətli insan mövcudluğunu təmin etməyə məcbur edib.
Bu səbəbdən Konqres üzvləri yeni xərc maddəsi üçün maliyyələşdirməyə icazə verməkdən imtina edə bilərlər.
Agentliyin yüksək səviyyəli rəsmisi Politico-ya anonimlik şərti ilə deyib ki, adətən agentliyin planlarından xəbərdar olan NASA işçilərinə prioritetlərin dəyişməsi barədə məlumat verilməyib.
NASA-nın yeni planları reallaşarsa, İlon Maskın SpaceX şirkəti öz raketlərini bu uçuşlar üçün istifadə etmək üçün çox güclü mövqedə ola bilər.
İlon Maskın özü mart ayında açıqlamışdı ki, insanabənzər robot Optimus ilə Starship kosmik gəmisi 2026-cı ilin sonunda Marsa uçacaq.
Nazlı Almuradova
