Day: May 8, 2025

İstanbul Baş Prokurorluğunun istintaqı çərçivəsində həbs edilən İstanbulun sabiq meri Əkrəm İmamoğlunun “X” sosial şəbəkə hesabına məhkəmə qərarı ilə giriş bloklanıb. SİA bu barədə “NTV Türkiyə”yə istinadən xəbər verir. Məlumata görə, məhkəmə İmamoğlunun sözügedən sosial şəbəkə hesabına girişi bloklamaqla bağlı qərarı İnformasiya Texnologiyaları və Kommunikasiya Qurumuna və “X” platformasına çatdırılıb. Qərarla onun sosial şəbəkə hesabı Türkiyə sərhədləri daxilində bloklanıb. Lakin digər ölkələrdən İmamoğlunun hesabına giriş mümkündür.

Daha çox

Rusiya Prezidenti Vladimir Putinin Böyük Vətən Müharibəsində Qələbənin 80 illiyi şərəfinə elan etdiyi atəşkəs qüvvəyə minib. SİA xəbər verir ki, Rusiya mayın 8-dən 11-nə kimi bütün hərbi əməliyyatları dayandırıb. Qeyd edək ki, mayın 3-də Ukrayna Prezidenti Vladimir Zelenski açıq şəkildə bu təklifi rədd edib. O, 30 günlük atəşkəs təklif edib. Rusiya tərəfi isə bildirib ki, Ukrayna atəşkəs rejimini pozarsa, Rusiya Silahlı Qüvvələri hücumları dəf etməyə hazır olacaq.

Daha çox

Bu gün Bakıda Azərbaycan tərəfinin vasitəçiliyi ilə İsrail və Türkiyə nümayəndələri arasında danışıqlar keçiriləcək. SİA xəbər verir ki, bu barədə “Kan 11” telekanalı məlumat yayıb. Bildirilib ki, görüş Bakının vasitəçiliyi ilə təşkil edilib. Görüş Türkiyənin Suriyada artan fəallığı və iki ölkə arasında birbaşa hərbi toqquşma təhlükəsi ilə bağlı gərginliyin azaldılmasına yönəlib. Qeyd edək ki, bir müddət öncə İsrail Baş naziri Benyamin Netanyahunun Bakı səfəri regiondakı son proseslərdən dolayı təxirə salınıb.

Daha çox

Hindistanın şimalında Pakistanla həmsərhəd olan ən azı 21 hava limanının fəaliyyəti mayın 10-dək dayandırılıb. SİA xəbər verir ki, bu barədə “The Hindu” nəşri yazır. Nəşr bildirir ki, hökumət müvafiq qərarı Pakistanla sərhəd yaxınlığında hərbi zərbələr fonunda verib. Məhdudiyyətlər Cammu və Kəşmir bölgəsindəki, həmçinin Pəncab, Himaçal Pradeş, Racastan və Qucarat əyalətlərindəki hava limanlarına təsir edib. Qeyd olunur ki, bu hava limanlarının bir çoxundan təkcə aviaşirkətlər deyil, Hindistan Hərbi Hava Qüvvələri də istifadə edir.

Daha çox

İsveç hökuməti şərti olaraq vaxtından əvvəl azadlığa çıxmaq üçün tələb olunan minimum cəza müddətinin ümumi həbs müddətinin üçdə ikisindən dörddə üçə qədər artırılmasını təklif edir. SİA xəbər verir ki, əvvəlki hökumət komissiyasının məhkumların reabilitasiyası ilə bağlı riskləri və əhəmiyyətli əlavə xərcləri – 7 milyard İsveç kronu qədər (təxminən 650 milyon dollar) olduğunu əsas gətirərək bu cür dəyişikliklərə qarşı xəbərdarlıq etməsinə baxmayaraq, hakimiyyət islahatlara artıq 2026-cı il yanvarın 1-dən başlamağı planlaşdırır. “Təşəbbüs cəmiyyətin ağır cinayətlərə münasibətini sərtləşdirmək məqsədi daşıyır”, – deyə ədliyyə naziri Gunnar Strömmer mətbuat konfransında bildirib. Birinci mərhələdə yenilik…

Daha çox

Rusiya prezidenti Vladimir Putinin Qələbənin 80-ci ildönümü münasibətilə elan etdiyi atəşkəs qüvvəyə minib. SİA xəbər verir ki, bu barədə Kremlin mətbuat xidməti məlumat yayıb. Humanitar səbəblərlə elan edilmiş atəşkəs 11-nə keçən gecə yarısına kimi qüvvədədir. Putinin qərarına əsasən, bu müddət üçün bütün hərbi əməliyyatlar dayandırılıb. Ukrayna tərəfinin “bu nümunəni izləyəcəyi” gözlənilir. Atəşkəs pozulduğu halda, “adekvat və effektiv cavab” veriləcək. Xatırladaq ki, Rusiya lideri atəşkəs təklifini aprelin 28-də səsləndirib. Mayın 3-də Ukrayna prezidenti Vladimir Zelenski Putinin təklifini rədd edib. Zelenski deyib ki, Ukrayna Moskvaya Qələbə Paradına gələcək dünya liderlərinin təhlükəsizliyinə zəmanət…

Daha çox

Türkiyə Prezidenti Rəcəb Tayyip Ərdoğan sabiq meşə və su işləri naziri Veysəl Əroğlunu ölkənin İraqdakı xüsusi nümayəndəsi təyin edib. SİA xəbər verir ki, bu barədə məlumat “Resmi Gazete”də dərc olunub. Qeyd edək ki, Veysel Əroğlu 2007-2011-ci illərdə Ətraf mühit və meşə naziri, 2011-2018-ci illərdə Meşə və su işləri naziri vəzifələrində çalışıb.

Daha çox