…Almaniyada miqrasiya məsələləri ilə bağlı ciddi böhran yaşanır. Bundan əlavə, sığınacaq istəmək niyyətində olan qaçqınlar üçün də şərtlər sərtləşdirilir.
SİA xəbər verir ki, “Die Welt” qəzetinin məlumatlı mənbələrdən əldə etdiyi məlumata görə, Almaniya kansleri Fridrix Merz kəskinləşən miqrasiya problemləri ilə əlaqədar ölkədə fövqəladə vəziyyət tətbiq etmək niyyətindədir. Hökumətin Avropa İttifaqının Fəaliyyəti haqqında Müqavilənin 72-ci maddəsinə müraciət edəcəyi gözlənilir ki, bu da sığınacaq üçün müraciətlərin rədd edilməsinə imkan verəcək.
Bundestaq seçkiləri öncəsi YouGov sorğusu göstərib ki, Almaniya əhalisi arasında miqrasiya ən böyük narahatlıqdır. Respondentlərin 31 faizi bunu əsas problemlər adlandırıb. Respondentlərin 26 faizinin qeyd etdiyi iqtisadi inkişaf və inflyasiya əhəmiyyətinə görə ikinci yeri tutub.
Üçüncü ən vacib məsələ sosial təminat olub ki, bunu sorğu iştirakçılarının 16 faizini müəyyənləşdirib.
Bundan əvvəl, aprelin ortalarında Merz Almaniya hökumətinin ölkəyə buraxılan potensial sığınacaq axtaranların sayını ildə 100 min nəfərlə məhdudlaşdırmaq planlarını açıqlamışdı.
O, həmçinin sığınacaq axtaranların birbaşa sərhədlərə daxil olmasını qadağan etmək niyyətində olduğunu vurğulayıb. Almaniya Daxili İşlər Nazirliyi daha əvvəl sığınacaq axtaranların ölkəyə daxil olmasına icazə verən xüsusi qaydanı ləğv etmişdi.
Əli Babayev
