Day: May 10, 2025

Pakistan öz hava məkanını müvəqqəti bağladığını elan edib. SİA xəbər verir ki, bu barədə Pakistan Hava Limanları İdarəsi məlumat yayıb. Qurumun məlumatına görə, Pakistan Hindistanın zərbələri ilə əlaqədar təhlükəsizlik məqsədilə 03:15-dən (Bakı vaxtı ilə 02:15) 12:00-dək (Bakı vaxtı ilə 11:00) hava məkanını bütün uçuşlar üçün bağlayıb.

Pakistan Hindistana qarşı genişmiqyaslı hərbi əməliyyata başladığını elan edib. SİA xəbər verir ki, bu barədə “Geo” telekanalı mənbələrə istinadən məlumat yayıb. Məlumata görə, Pakistan Silahlı Qüvvələri Hindistanda çoxsaylı strateji hədəfləri vurur. Artıq Bisadakı “BrahMos” raket anbarının məhv edildiyi bildirilir.

ABŞ-ın Kiyevdəki səfirliyi Ukraynadakı vətəndaşlarına təcili xəbərdarlıq edib. SİA xəbər verir ki, diplomatik nümayəndəlik yaxın günlərdə ciddi hava hücumu təhlükəsi olduğunu bildirib. Xəbərdalıqda deyilir: “Biz ABŞ vətəndaşlarına hava hücumu xəbərdarlığı verildiyi təqdirdə dərhal sığınacaq tapmağı tövsiyə edirik. Təhlükəsiz binalara və lazımi rabitə vasitələrinə çıxışınız olduğundan əmin olun”. Potensial hücumun dəqiq vaxtı və hədəfləri barədə açıqlama verilməyib

Türkiyənin “AirCar” şirkəti ikiyerlik uçan avtomobil modelinin ilk pilotlu sınaq uçuşunu həyata keçirib. SİA xəbər verir ki, sınaqlar ötən ay baş tutub. Həmin vaxt “AirCar”ın qurucusu və icraçı direktoru Eray Altunbozar birnəfərlik prototipdə havaya qalxıb və texnoloji parkın helikopter meydançasına enib. Daha sonra o, burada ikiyerlik modelə keçib və bir sərnişinlə həyata keçirdiyi ilk uçuşu da uğurla başa vurub. Güclü küləyə baxmayaraq uçuş 8 metr yüksəklikdə 10 dəqiqəyə yaxın davam edib.

Əlcəzair rəsmi və qeyri-rəsmi kargüzarlıqda, eləcə də qurumlararası yazışmalarda fransız dilinin istifadəsini dayandırmaq üçün müxtəlif tədbirlər həyata keçirir. SİA yerli KİV-lərə istinadla xəbər verir ki, Əlcəzair Futbol Federasiyasının əmri ilə yerli futbol federasiyalarından rəsmi sənədlərini və yazışmalarını “ən qısa zamanda” ərəb dilində hazırlamaları və bunun 2025–2026 futbol mövsümündən etibarən tətbiq olunması istənilir. Bundan başqa, intizam komitələrinin protokollarının hazırlanması, oyunları idarə edəcək hakimlərin təyinatları, oyunların planlaşdırılması və bütün yazışmaların ərəb dilində aparılması tələb olunur. Rəsmi sənədləşmədən fransız dilinin çıxarılması prosesi sürətlə davam edir. Əlcəzair şəhərinin su təchizatı şəbəkəsinin idarə edilməsinə cavabdeh…

Vaşinqtonda ABŞ-ın Qrenlandiyanı təsir dairəsinə cəlb etməklə bağlı yeni planı müzakirə olunur. SİA xəbər verir ki, bu barədə “Röyters” agentliyi yazıb. Agentlik qeyd edir ki, bu dəfə birbaşa ilhaq əvəzinə, daha əvvəl Sakit okeandakı bir neçə ada dövlətinə tətbiq edilmiş əlaqələrin gücləndirilməsi sxemindən istifadə oluna bilər. İki amerikalı rəsmi və müzakirələrdən xəbərdar olan başqa bir şəxsə istinadən bildirilir ki, Tramp administrasiyası Qrenlandiya rəhbərlərinə ABŞ ilə azad assosiasiya sazişi təklif etmək variantını nəzərdən keçirir. Bildirilir ki, keçmişdə belə razılaşmalar Mikroneziya, Marşall adaları və Palau kimi kiçik ada dövlətləri ilə imzalanıb. Hər…