…2012-ci ildə Moskvada bank filiallarından birində silahlı soyğunçuluq törətməkdə şübhəli bilinən Podolsk sakini Moskva vilayətində saxlanılıb.
SİA rus saytlarına istinadən xəbər verir ki, bu barədə Rusiya Daxili İşlər Nazirliyinin rəsmi nümayəndəsi İrina Volk məlumat verib.
Onun sözlərinə görə, 2012-ci ilin noyabrında bir qrup təcavüzkar Moskvanın Narodnoqo Opolçeniya küçəsində yerləşən kredit təşkilatının binasına soxulub.
Hücum edənlər iki asayiş keşikçisinə hücum edərək onlara bədən xəsarətləri yetiriblər, bundan sonra bankomatı sındıraraq oradan təxminən 7 milyon rubl oğurlayıblar. İstintaq cinayəti xüsusilə böyük miqyasda quldurluq kimi təsnif edib.
Uzun müddətdir ki, cinayətkarları saxlamaq mümkün olmayıb, lakin ötən illərin cinayətlərinin açılması istiqamətində aparılan işlər çərçivəsində hüquq-mühafizə orqanlarının əməkdaşları şübhəlilərdən birinin şəxsiyyətini müəyyən edərək onu yaxalaya biliblər.
Oğurluğun qalan iştirakçılarının axtarışı davam etdirilir. …Bundan əvvəl Novosibirskdə kommersiya bankının filialında soyğunçuluq baş verib, nəticədə naməlum şəxs külli miqdarda pulu – 9,5 milyon rublu oğurlayıb.
Nazlı Almuradova
