İstanbulda danışıqlarda iştirak edən Rusiya nümayəndə heyətinin rəhbəri, Putinin köməkçisi Vladimir Medinski bildirib ki, cümə günü səhər Ukraynadan olan danışıqlar qrupu ilə görüş gözlənilir.
SİA xəbər verir ki, bu barədə RBC-Ukrayna məlumat yayıb.
Rusiya danışıqlar qrupunun rəhbərinin sözlərinə görə, mayın 16-da səhər saat 10-da Moskva nümayəndələri Kiyevdən görüşə gələcəyi gözlənilən nümayəndə heyətini gözləyəcəklər.
Medinskinin bəyanatını RİA Novosti yayıb.
Onun sözlərinə görə, hazırda Rusiya Federasiyasından olan nümayəndə heyəti “görüş üçün gəlməli olan Ukrayna tərəfini gözləyəcək”.
Medinski Türkiyədə media nümayəndələri qarşısında qısa çıxışında qeyd edib ki, Rusiya nümayəndə heyəti mayın 15-də “Ukrayna ilə ilkin şərt olmadan birbaşa, ikitərəfli danışıqlar aparmaq” üçün İstanbula gəlib.
Vladimir Putinin köməkçisi həmçinin bildirib ki, Rusiya nümayəndə heyəti Türkiyənin xarici işlər naziri Hakan Fidan ilə artıq “çox səmərəli görüş” keçirib.
Bundan əlavə, Medinski Ukrayna ilə danışıqlarda Rusiya Federasiyasının nümayəndə heyətinin artıq “işləməyə hazır” olduğuna inandırıb.
Əli Babayev
