…Çinin hakim Kommunist Partiyası məmurlara dövlət xərclərini azaltmağı əmr edib. Artıq iş naharlarında bahalı spirtli içkilər, siqaretlər və dəbli yeməklər təklif olunmayacaq, konfranslarda artıq dəbdəbəli gül kompozisiyaları olmayacaq.
SİA-nın məlumatına görə, “Washington Post” yazır ki, Çin iqtisadi çətinliklərlə üzləşib – ABŞ-la davam edən ticarət müharibəsi və ölkə daxilində inkişafın ləngiməsi…
Nəticədə məmurlara kəmərləri sıxmaq və “qənaətkar həyat tərzi sürmək” əmri verilib.
Rəsmi “People’s Daily” qəzetində dərc olunan məqalədə deyilir: “Qənaətkarlıq və israfçılığa qarşı çıxmaq bizim partiyanın şərəfli ənənəsi və gözəl üslubudur”.
Şanxayda yerləşən “Paper”ın başqa bir redaksiyasında deyilir ki, kampaniya “israfçılığın utancverici, qənaətcilliyin isə şərəfli olduğu” bir mədəniyyət yaratmağa kömək edəcək. Təhlilçilər deyirlər ki, kampaniya qeyri-müəyyənlik dövründə …Bu kimi kampaniyalar həmişə güc və legitimlik, liderliyin sırf idarəetmə və hesabatlılıq qaydalarını təyin etməkdənsə, nəzarət və nizam-intizam nümayiş etdirməsi haqqındadır.
Bunu Çin Media Layihəsinin direktoru David Bandurski deyir.
Qeyd edək ki, bu, məmurlar arasında həddini aşmağa qarşı mübarizənin ilk hadisəsi deyil. Si 2012-ci ildə hakimiyyətə gəldikdən qısa müddət sonra hökumətdəki korrupsiyanın kökünü kəsmək üçün daha geniş səylərin bir hissəsi kimi qənaətcillik kampaniyasına başladı və bir çox analitik bunun rəqibləri təmizləmək üçün bir yol olduğunu söyləmişdi. Kampaniya bu ilin mart ayından bərpa edilib.
Əli Babayev
