Day: May 21, 2025

…Əvvəla qeyd edək ki, SİA bununla bağlı bir neçə müddət əvvəl yazmışdı. …Deməli, Rus Pravoslav Kilsəsinin Sinodal Missionerlik İdarəsinin rəhbəri, arxiyepiskop Savva (Tutunov) metronun “Taqanskaya Moskva” stansiyasında quraşdırılmış İosif Stalinin təsviri olan barelyefin bərpasını kəskin tənqid edib. SİA-nın məlumatına görə, arxiyepiskopun bəyanatı özünün Telegram kanalında dərc olunub. Savvanın fikrincə, Stalinə abidənin qoyulması təkcə onun 1924-cü ildən xeyli əvvəl başlamış kütləvi terrorun təşkilində oynadığı rola görə deyil, həm kilsənin təqiblərinə məruz qalması, həm də İkinci Dünya Müharibəsi zamanı ölkəyə rəhbərlik etməsi nəzərə alınmaqla onun ölkə tarixindəki mübahisəli şəxsiyyətinə görə qəbuledilməzdir. Arxiyepiskop…

ABŞ Prezidenti Donald Tramp Ağ evdə müdafiə naziri Pit Heqsetlə birlikdə nəhəng raketdən müdafiə sistemi qurmaq planlarını açıqlayıb. SİA-nın məlumatına görə, Tramp “Qızıl Qübbə” adlı layihənin ümumi dəyərinin 175 milyard dollar təşkil edəcəyini bildirib. O qeyd edib ki, sistem ölkənin mövcud müdafiə imkanlarına inteqrasiya edəcək və səlahiyyət müddətinin sonuna qədər tam işlək olacaq. “Beləliklə, biz bunu təxminən üç il ərzində yerinə yetirəcəyik. Tamamilə tikildikdən sonra “Qızıl Qübbə” dünyanın başqa yerlərindən, hətta kosmosdan buraxıla biləcək raketləri ələ keçirmək gücünə malik olacaq. Biz Prezident Reyqanın 40 il əvvəl başladığı işi başa vuracağıq…

BƏƏ ilə əlaqəli, Panama bayrağı ilə üzən tanker İran sahillərində ələ keçirilə bilər. SİA xəbər verir ki, bu barədə Britaniyanın dəniz təhlükəsizliyi üzrə ixtisaslaşmış “Ambrey” şirkəti məlumat yayıb. Qeyd olunur ki, insident İranın Oman körfəzi sahilindəki Cask limanından 51 dəniz mili (94,5 km) şimal-qərbdə baş verib. Bildirilib ki, gəminin ekipajı təcili radio mesajında ​​onun qaçırıldığı barədə məlumat verib.

Türkiyədə zəlzələ baş verib. SİA xəbər verir ki, yeraltı təkanlar saat 23:36 radələrində İstanbulun qərbində hiss olunub. Yerli sakinlər telefonlarına zəlzələ xəbərdarlığı gəlsə də, təşviş yaranmayıb. Fövqəladə Hallar İdarəsi (AFAD) zəlzələnin episentrinin Böyükçekmece rayonu ilə üzbəüz Mərmərə dənizində olduğunu bildirib. Onun maqnitudası 4, ocağı isə 8 kilometr dərinlikdə yerləşib.

Avropa İttifaqı (Aİ) Suriyaya qarşı bütün iqtisadi sanksiyaları tamamilə ləğv edib. SİA xəbər verir ki, ittifaqa üzv ölkələrin Xarici İşlər Nazirləri Şurasının Brüsseldə keçirilən iclasından sonra çıxış edən Aİ-nin xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallas bu qərarla Suriyanın yeni keçid hökumətinə bir şans verildiyini bildirib. Almaniyanın xarici işlər naziri Yohan David Vadephul deyib ki, bu qərarın əvəzində bütün etnik və dini qrupları əhatə edən siyasətin həyata keçirilməsi gözlənilir. Bununla belə, Bəşar Əsəd rejimi ilə əlaqəsi olan şəxslərə və təşkilatlara, habelə insan hüquqları pozuntularında…

Comex birjasında (Nyu-York əmtəə birjasının bölməsi) iyun fyuçersləri üzrə qızıl fyuçerslərinin qiyməti mayın 9-dan bəri ilk dəfə bir troy unsiyası üçün 3300 dolları ötüb. SİA xəbər verir ki, bu barədə TASS məlumat yayıb. Agentlik qeyd edib ki, Bakı vaxtı ilə saat 2:13-ə qızılın qiyməti bir unsiya üçün 3307 dollar (+2,91%) təşkil edib. Aprelin 22-də qızılın qiyməti yeni tarixi rekorda çatıb: Çikaqo əmtəə birjasında (CME) iyun qızıl fyuçersləri 2,3% bahalaşaraq bir unsiya üçün 3504,2 dollara çatıb. “Bloomberg” yazır ki, qızıl qiymətlərinin qalxması dolların zəifləməsi və prezident Donald Trampın ABŞ Federal Ehtiyat…

ABŞ-ın səhiyyə və sosial xidmətlər naziri Robert F.Kennedi Cenevrədə keçirilən illik Ümumdünya Səhiyyə Assambleyasında nümayiş etdirilən videoçarxda Ümumdünya Səhiyyə Təşkilatını şişmiş və “ölməkdə olan” adlandırıb. SİA “Reuters” agentliyinə istinadla xəbər verir ki, BMT agentliyinin əsas donoru olan ABŞ Donald Trampın prezidentliyinin ilk günündə ÜST-dən çıxdığını elan edib, nəticədə təşkilat bu həftə keçən assambleyada islahatlar yolu ilə həll etməyə çalışacağı böyük büdcə kəsiri ilə üzləşəcək. “Dünyanın səhiyyə nazirlərini və ÜST-ni təşkilatdan çıxmağımızı oyanış siqnalı kimi qəbul etməyə çağırıram”, – deyə o, “Fox News” tərəfindən lentə alınan və sonra assambleyada yayımlanan videoda…