Day: May 23, 2025

Cənub-Şərqi Asiyaya rəsmi səfər etməyi planlaşdıran Fransa Prezidenti Emmanuel Makron Çin lideri Si Szininlə telefon danışığı aparıb. SİA xəbər verir ki, bu barədə Makron sosial şəbəkə hesabında yazıb. Tərəflər xüsusilə Rusiyanın Ukraynaya qarşı müharibəsini müzakirə ediblər. “Rusiyanın Ukraynada apardığı müharibəyə gəlincə, bizim ümumi məqsədimiz var: uzun və davamlı sülh. O, dərhal və qeyd-şərtsiz atəşkəslə başlayır”, – Makron yazıb.

Ukrayna cəbhədə atəşi dayandırmaq üçün mümkün olan ən sürətli addımları atmağa hazırdır. SİA xəbər verir ki, bu sözləri Ukrayna Prezidenti Vladimir Zelenski deyib. “Ukraynanın marağı müharibəni uzatmaq deyil, vəziyyətin istənilən inkişafına hazır olmaqdır. Dünyaya aydındır ki, müharibənin hələ də davam etməsində günahkar Rusiyadır. Ukrayna mümkün olan ən sürətli addımlara – real atəşkəs və yeni təhlükəsizlik arxitekturasının yaradılmasına hazırdır. Biz öz tərəfimizdən hər şeyin üzərində işləyirik”, – Zelenski qeyd edib.

“Birləşmiş Ştatlar Sudana sanksiyalar, o cümlədən ABŞ-ın Sudana ixracına və ABŞ hökumətinin kredit xətlərinə çıxışına məhdudiyyətlər tətbiq edəcək”. SİA-nın məlumatına görə, bu barədə ABŞ Dövlət Departamentinin bəyanatında deyilir. Bildirilir ki, 24 aprel 2025-ci ildə Birləşmiş Ştatlar 1991-ci ildə qəbul edilmiş Kimyəvi və Bioloji Silahlara Nəzarət və Müharibəni Ləğvetmə Aktı əsasında Sudan hökumətinin 2024-cü ildə kimyəvi silahdan istifadə etdiyini müəyyən edib. Məlumata əsasən, Sudan hökumətinin də üzvü olduğu akta əməl etməməsinə dair hesabat əlavəsi ilə birlikdə bu gün Konqresə təqdim edilib. Konqresin 15 günlük bildiriş müddətindən sonra Birləşmiş Ştatlar Sudana sanksiyalar,…

İndoneziya sahillərində 5,9 bal gücündə zəlzələ baş verib. SİA xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Zəlzələnin episentri təxminən 1,4 milyon insanın yaşadığı Sumatra adasındakı Palembang şəhərindən 300 km cənub-qərbdə olub. Seysmik hadisənin mənbəyi 55 km dərinlikdə yerləşib. Tələfat və dağıntılar barədə məlumat yoxdur. Sunami təhlükəsi elan olunmayıb.

“İran İsraili istənilən tələsik addımlara qarşı xəbərdar edir və bəyan edir ki, onun tərəfindən istənilən təhdid və ya pozuntular qəti şəkildə cavablandırılacaq”. SİA xəbər verir ki, bunu İranın xarici işlər naziri Abbas Araqçı BMT baş katibinə və Atom Enerjisi üzrə Beynəlxalq Agentliyin rəhbərinə ünvanladığı məktubunda deyib. “Biz həmçinin əminik ki, İsrail İslam Respublikasının nüvə obyektlərinə hücumu halında ABŞ hökuməti bu hücumda şərik olacaq və buna görə hüquqi məsuliyyət daşıyacaq”, – deyə İran XİN rəsmisi bildirib.

Məqsəd miqrantların yerləşdiyi yeri də izləyəcək mobil proqram vasitəsilə qeydiyyata alınması üçün yeni sistemi sınaqdan keçirməkdir… …Federasiya Şurası 2025-ci ildən 2029-cu ilə qədər Moskva və Moskva vilayətində pilot layihənin həyata keçirilməsinə dair qanunu təsdiqləyib. Məqsəd miqrantların yerləşdiyi yeri də izləyəcək mobil proqram vasitəsilə qeydiyyata alınması üçün yeni sistemi sınaqdan keçirməkdir. SİA-nın məlumatına görə, qanuna əsasən, Rusiyada əcnəbi vətəndaşların qeydiyyatının təkmilləşdirilməsi üzrə eksperiment 2025-ci il sentyabrın 1-də başlayacaq və 2029-cu il sentyabrın 1-də başa çatacaq. Eksperimentə Rusiyada işləmək üçün həm patentli, həm də patentsiz vizasız rejimə…

Sanksiya təzyiqini həddinə çatdırmaq şansı var… …Ukraynanın müttəfiqləri Kremlin sonsuz müharibə strategiyasının zəifliyini ifşa etmək üçün sanksiyaları sərtləşdirməlidirlər. SİA-nın əldə etdiyi məlumata görə, bunu “The Guardian” yazır. ABŞ prezidenti Donald Trampın ikinci prezidentlik müddətinin ilk günündə Ukraynada müharibəyə son qoymaq niyyətini açıqlaması onun sülhməramlı kimi uğursuzluğunun növbəti sübutu oldu. Onun Putinə açıq simpatiyası daha da qorxuludur. Ağ Evin qərarı ilə münaqişəni “dondurmağın” mümkün olmadığını anladıqdan sonra Trampın Putinə qarşı ritorikası bir qədər soyusa da, hələ də bu müharibəni başladan cinayətkar təcavüzə qarşı real qəzəbdən əsər-əlamət…

Pakistanla hər hansı ticarət əlaqəsi və ya danışıqlardan söhbət gedə bilməz..? …Kəşmirdəki faciəli hadisələrdən sonra Hindistan və Pakistan arasında davam edən gərginlik fonunda Hindistanın baş naziri Narendra Modi İslamabadla hər hansı dialoqdan imtina etdiyini açıqlayıb. O vurğulayıb ki, Pakistan Hindistan ərazisində istənilən düşmənçilik hərəkətinə görə ciddi iqtisadi və hərbi nəticələrə məruz qalacaq. SİA-nın məlumatına görə, Racastanda çıxış edən Modi qəti şəkildə bildirib ki, Pakistanla hər hansı ticarət əlaqəsi və ya danışıqlardan söhbət gedə bilməz. O vurğulayıb ki, Pakistan tərəfindən törədilən hər bir terror aktının böyük…

Daha əvvəl də deyildiyi kimi, ruslar miqrantlara “çərçivə” qoymaq istəyirlər..? …Sankt-Peterburq Beynəlxalq İqtisadi Forumunda miqrasiya siyasəti məsələləri müzakirə olunub. SİA-nın məlumatına görə, panel sessiyasındakı söhbət Sankt-Peterburq Beynəlxalq Hüquq Forumu 2024-də başlayan rezonanslı müzakirənin davamı olub. …Deməli, əvvəlki illərdə olduğu kimi, əsas məruzəçi Rusiya Federasiyası İstintaq Komitəsinin rəhbəri Aleksandr Bastrıkin olub. O, bildirib ki, miqrantlar tərəfindən törədilən cinayət əməllərinin sayı və onların ictimai təhlükəsi yüksək olaraq qalır. Amma ötən il ərzində əcnəbilər tərəfindən törədilən cinayətlərin sayında cüzi azalma müşahidə olunubsa (2023-cü ildə 38 936, 2024-cü ildə…