…ABŞ prezidenti Donald Tramp Ukraynanı tərk edib. Putinlə təmaslardan sonra o, artıq münaqişənin dayandırılması mövzusunu qaldırmır və hər hansı diplomatik təşəbbüslərdən imtina edib.
SİA-nın məlumatına görə, bu barədə Financial Times (FT) yazır.
Nəşrin mənbələrinə görə, Ağ Ev rəhbərinin ritorikası “Ukrayna mənim problemim deyil” ifadəsində getdikcə daha sərt olur və o, real qələbəni açıq şəkildə Rusiyaya bağlayır. Həmçinin, Amerika lideri Moskvaya vasitəçilik etmək və ya təzyiq göstərmək əvəzinə, Kremllə yaxınlaşma arzusunu nümayiş etdirir.
Məqalədə deyilir ki, eyni zamanda, Rusiya prezidenti Vladimir Putini tənqid edərkən belə, Tramp Kiyevin xahişlərinə və avropalı müttəfiqlərin siqnallarına məhəl qoymur.
Bundan əvvəl “New York Times” Vaşinqton administrasiyasındakı mənbələrə istinadən yazıb ki, Tramp Moskvaya hər hansı siyasi və ya iqtisadi təzyiq göstərməyi planlaşdırmır.
Ağ Ev rəsmilərindən birinin sözlərinə görə, Tramp həmçinin Paris, Berlin və Londondan mümkün atəşkəs pozulacağı təqdirdə Rusiyaya qarşı əlavə sanksiyalar tətbiq etmək vədlərindən uzaqlaşıb.
Bundan əvvəl Vladimir Zelenski Ukraynanın NATO sammitində iştirak etməməsinin “Putinin qələbəsi” olacağını demişdi.
Əli Babayev
