Beynəlxalq “Ipsos” marketinq araşdırması şirkəti tərəfindən aparılan sorğu göstərir ki, İsveçdə seçicilərin 52 faizi növbəti seçkilərdən sonra hökumətin dəyişməsinin lehinə çıxış edir. Yalnız 34 faiz hesab edir ki, Ulf Kristerssonun rəhbərlik etdiyi hazırkı kabinet yeni etimad mandatı almalıdır. SİA xəbər verir ki, rəylərin bu nisbəti 2023-cü ilin sentyabrından bəri sabit olaraq qalır.
İsveçdə növbəti parlament seçkilərinə cəmi bir ildən çox vaxt qalıb və bu fonda müxalifət partiyaları əhəmiyyətli dəstək alır. Müxalifət tərəfdarları arasında hakimiyyət dəyişikliyinə dəstək xüsusilə yüksəkdir: İsveç Sosial Demokrat Partiyasının seçicilərinin 84 faizi onu gələcək hökumətdə görmək istəyir. 53 faiz Yaşıllar Partiyasını, Sol və Mərkəzçi partiyalarının hər birini isə respondentlərin 47 faizi dəstəkləyir.
Sosial Demokratların tərəfdarları arasında Mərkəzçi Partiyası üstünlük verilən koalisiya tərəfdaşı kimi qəbul edilir: 52 faiz onun gələcək hökumətdə iştirakını dəstəkləyir, 20 faiz isə əleyhinə çıxış edir.
.jpg)
