…Ət yeyən parazit milçək (Cochliomyia hominivorax) yenidən Şimali və Mərkəzi Amerikaya hücum edərək heyvandarlıq məhsullarını və insan sağlamlığını təhlükə altına alır.
SİA xəbər verir ki, bu barədə Sciencealert.com məlumat yayıb.
Müəlliflər xatırladırlar ki, 1960-1990-cı illərdə bu cür milçəklər ABŞ və Meksikada steril həşərat üsulundan (böcəklərlə mübarizənin bioloji üsulu, steril həşəratların böyük əksəriyyətinin vəhşi təbiətə buraxıldığı) istifadə etməklə uğurla məhv edilib, lakin 2022-ci ildən milçək yenidən yayılaraq 2024-cü ilin noyabrına qədər Meksikaya çatıb.
Milçəklər yaralara yumurta qoyur və sürfələri canlı toxuma ilə qidalanır, iztirab və ölümə səbəb olurlar.
Xatırladaq ki, 1960-cı illərdə Texasda bir milyona qədər xəstəliyə yoluxma halı qeydə alınmışdı.
Elm adamları milçəklərin sürü ilə hərəkət etdiyini, yüksək temperaturun onların sağ qalmasına kömək etdiyini və dişilərin steril erkəklərdən qaça biləcəyini deyirlər.
Məqalədə deyilir ki, Mərkəzi Amerikada təxminən 17 milyon, Meksikada 34 milyon, ABŞ-da isə 14 milyon baş iribuynuzlu heyvan risk altındadır.
Müəlliflər qeyd edirlər ki, Meksikada milçəklər artıq insanlara yoluxub.
Əvvəllər bildirilmişdi ki, ayrı-ayrı ağac növlərinin nəsli kəsilməsi bütün ekosistemlərin yoxa çıxması təhlükəsi yaradır. 2021-ci ildə Dünya Ağaclarının Vəziyyəti hesabatında alimlər bildiriblər ki, bütün ağac növlərinin üçdə biri, cəmi 17500 növ isə daimi yox olmaq təhlükəsi ilə üzləşib.
Nazlı Almuradova
