…Ukrayna Fövqəladə Gəlir Sürətləndirilməsinin (Extraordinary Revenue Acceleration -ERA) təşəbbüsü çərçivəsində Kanadadan təxminən 1,7 milyard dollar alıb. Bunlar dondurulmuş Rusiya aktivlərindən əldə edilən gəlirlə təmin edilən vəsaitlərdir.
SİA-nın məlumatına görə, bu barədə Ukraynanın baş naziri Denis Şmıxal Telegram-da yazıb.
…Tərəfdaşlarımızla birlikdə biz Rusiyanı onun törətdiyi cinayətlərin və dağıntıların əvəzini ödəməyə məcbur edirik. İlin əvvəlindən son tranşı nəzərə alsaq, Rusiya Federasiyasının immobilizasiya olunmuş aktivlərindən təxminən 17,6 milyard dollar əldə etmişik.
Bunu Şmıqal yazıb.
Baş nazir həmçinin Kanadaya və bu proqramda əməyi olan hər kəsə təşəkkür etdi.
O, həmçinin dondurulmuş Rusiya vəsaitlərinin tam müsadirə edilməsində israrlıdır.
…Onlar təcavüzdən zərər çəkənlərə təzminat ödəmək və dövlətimizi bərpa etmək üçün lazımdır. Bu həm də gələcəkdə təcavüzkar müharibələrin qarşısını almaq üçün ədalət aktı olacaq.
Bunu ukraynalı baş nazir bildirib.
Qeyd edək ki, Rusiyanın Ukraynaya qarşı genişmiqyaslı müharibəsi başladıqdan sonra Qərb ölkələri Rusiya Federasiyası Mərkəzi Bankına məxsus təxminən 300 milyard dolları dondurublar. Bu aktivlərin əsas hissəsi Avropada, ilk növbədə Belçikada yerləşən Euroclear sistemində saxlanılır. Sanksiyalar Rusiya dövlət şirkətlərinin və məhdudiyyətlərə məruz qalan şəxslərin əmlakına da təsir edib.
Vaxt keçdikcə beynəlxalq tərəfdaşlar bu dondurulmuş fondlardan gələn gəlirləri Ukraynanı dəstəkləməyə yönəltməyə başlayıblar.
Məsələn, bu yaxınlarda məlum olub ki, Ukrayna Britaniyadan 350 müasir raket alacaq və London onları aktivlərdən əldə etdiyi vəsait hesabına alacaq.
Əli Babayev
