04/07/2025 – Page 6 – Qafqaz Xəbər

İkitərəfli və regional məsələlər barədə fikir mübadiləsi aparılıb

04/07/2025 Qafqaz Xəbər

Azərbaycanın xarici işlər naziri Ceyhun Bayramov Xankəndi şəhərində keçirilən İqtisadi Əməkdaşlıq Təşkilatının 17-ci Zirvə görüşü çərçivəsində Birləşmiş Ərəb Əmirliklərinin (BƏƏ) xarici işlər nazirinin siyasi məsələlər üzrə müavini Lana Zaki Anvar Zaki Nusseibeh ilə görüşüb. Bu barədə SİA-ya Xarici İşlər Nazirliyindən məlumat verilib. Görüş zamanı dövlət başçıları arasında sıx dostluq və qardaşlıq münasibətlərinin əlaqələrimizin inkişafı üçün möhkəm təməl yaratdığı bildirilib, strateji tərəfdaşlığımızın daha da inkişafında iki ölkənin Xarici İşlər nazirlikləri arasında siyasi məsləhətləşmələr mexanizminin rolundan bəhs olunub. İqtisadi, ticarət, investisiyalar, energetika və humanitar sahələrdə əməkdaşlıq, habelə İslam Əməkdaşlıq Təşkilatı, Qoşulmama Hərəkatı…

Daha çox

Rusiya doğma şəhərində terror aktı törətməyi planlaşdırırmış…

04/07/2025 Qafqaz Xəbər

…Mərkəzi Dairə Hərbi Məhkəməsi Çelyabinskdə inzibati binada terror aktı törətməyi planlaşdıran “Rusiya Azadlığı” legionunun tərəfdarını 20 il müddətinə azadlıqdan məhrum edib. SİA-xəbər verir ki, bu barədə Lenta.ru-ya Federal Təhlükəsizlik Xidmətinin Çelyabinsk vilayəti üzrə İdarəsi məlumat verib. Məhkəmənin müəyyən etdiyi kimi, həmin şəxs 2023-cü ilin noyabrında saxlanılıb. O, terror təşkilatına beyət edərək, şəhərin inzibati obyektlərindən birində terror aktı törətmək qərarına gəlib. Bunun üçün hücumçu müdafiə sahəsində federal icra orqanının binalarında kəşfiyyat aparıb. O, dövlətə xəyanətdə, terrora cəhddə və terror təşkilatının fəaliyyətində iştirakda təqsirli bilinib. Adam ilk beş ilini həbsdə, qalanını isə…

Daha çox

“Xankəndidə keçirilən ECO sammiti Azərbaycanın diplomatik uğurudur”

04/07/2025 Qafqaz Xəbər

“Xankəndidə keçirilən İqtisadi Əməkdaşlıq Təşkilatının (ECO) dövlət başçılarının sammiti, Azərbaycanın siyasi, iqtisadi və diplomatik tarixində mühüm bir dönüş nöqtəsidir. Bu, təkcə bir şəhərin bərpası və yenidənqurulması deyil, həm də regionun gələcək inkişaf trayektoriyasının müəyyənləşdirilməsidir”. Bu sözləri SİA-ya açıqlamasında politoloq Polad Mehdiyev deyib. Onun sözlərinə görə, Xankəndidə ECO sammitinin keçirilməsi, Azərbaycanın Qarabağ üzərində tam suverenliyinin praktik şəkildə tanınması və möhkəmləndirilməsi anlamına gəlir. İyirmi ildən artıq müddətdə münaqişə bölgəsi kimi tanınan şəhər indi beynəlxalq tədbirlərə ev sahibliyi edən bir mərkəzə çevrilir. Burada liderlərin iştirakı, Azərbaycanın ərazi bütövlüyünə verilən dəstəyi gücləndirir və regionun…

Daha çox

“Tacikistan ECO-ya üzv ölkələrlə ticarət dövriyyəsini artırmaqda maraqlıdır”

04/07/2025 Qafqaz Xəbər

Tacikistan İqtisadi Əməkdaşlıq Təşkilatına (ECO) üzv ölkələrlə ticarət dövriyyəsini artırmaqda maraqlıdır. SİA xəbər verir ki, bunu Tacikistan Prezidenti Emoməli Rəhmon EC-nın 17-ci Zirvə görüşündə bildirib. Onun sözlərinə görə, region ölkələri ilə ticari-iqtisadi əməkdaşlıq Tacikistanın xarici siyasətinin əsas istiqamətlərindən biridir: “Ticarət və maliyyə, enerji, sənaye və kənd təsərrüfatı sahələrində əməkdaşlığın inkişafı regionun inkişafı üçün ilkin şərtdir. 2024-cü ildə Tacikistanın ticarət dövriyyəsində ECO-ya üzv ölkələrdəki payı 33 % təşkil edib. Bu, 2023-cü ilin göstəriciləri ilə müqayisədə 18 %-lik artım deməkdir. Tacikistan ECO-ya üzv ölkələrlə ticarət dövriyyəsinin artırmaqda maraqlıdır”.

Daha çox

“Dövlət müəssisələrinin özəlləşdirilməyə hazırlanması məqsədəuyğun sayılır”

04/07/2025 Qafqaz Xəbər

“Dövlət müəssisələrinin özəlləşdirilməsi zərurəti iqtisadi ədəbiyyatda və dünya təcrübəsində geniş şəkildə əsaslandırılmışdır. İqtisadi elm və beynəlxalq praktika göstərir ki, özəl sektor idarəetmə və təsərrüfat fəaliyyəti baxımından daha effektiv, səmərəli və nəticəyönümlü olur. Bunun əsas səbəbi şəxsi sahibkarlıq maraqlarının, yəni fərdi qazanc motivasiyasının daha rasional və operativ idarəetmə qərarlarına gətirib çıxarmasıdır. Bu müddəa həm nəzəri, həm də empirik şəkildə sübut olunmuşdur”. Bu sözləri SİA-ya açıqlamasında iqtisadçı ekspert Xalid Kərimli deyib. Onun sözlərinə görə, müəyyən sahələr var ki, onların strateji və ya sosial əhəmiyyətinə görə dövlətin iştirakı vacib sayılır: “Xüsusilə iqtisadi böhran…

Daha çox

“Yekaterinburq hadisələri Azərbaycan-Rusiya münasibətlərinə mənfi təsir göstərə bilər”

04/07/2025 Qafqaz Xəbər

“Rusiyanın Yekaterinburq şəhərində baş verən hadisələr – Azərbaycanlılara və digər xalqlara qarşı edilən qeyri-etik davranışlar, zorakılıq halları cəmiyyətimizdə haqlı narahatlığa səbəb olub. Bu cür hallar nəinki insan hüquqları baxımından yolverilməzdir, həm də iki ölkə arasındakı münasibətlərə mənfi təsir göstərmək potensialına malikdir”. Bu sözləri SİA-ya açıqlamasında politoloq Amid Əliyev deyib. Onun sözlərinə görə, Azərbaycan və Rusiya arasında uzun illərə söykənən strateji tərəfdaşlıq münasibətləri mövcuddur. İqtisadi, siyasi və humanitar sahədə əməkdaşlıq davam edir. Lakin bu cür insidentlər, xüsusilə də milli azlıqlara qarşı qeyri-bərabər yanaşma, qarşılıqlı inamın zədələnməsinə səbəb ola bilər: “Bildiyiniz kimi,…

Daha çox

Bakının iki küçəsində avtomobillə hərəkət məhdudlaşdırılacaq

04/07/2025 Qafqaz Xəbər

İyulun 6-da saat 06:00-dan saat 24:00-dək Bakı şəhəri, Ziya Bünyadov prospektində təmir işləri aparılacaq. Bu barədə SİA-ya Azərbaycan Avtomobil Yolları Dövlət Agentliyindən məlumat verilib. Bildirilib ki, bununla əlaqədar olaraq, Alı Mustafayev küçəsinin Ceyhun Səlimov küçəsi ilə kəsişməsindən və Əbdülvahab Salamzadə küçəsinin Xutor tunelinə giriş hissəsindən nəqliyyat vasitələrinin hərəkəti tam məhdudlaşdırılacaq. “Sürücülərdən aparılan işlərə anlayışla yanaşmaları, qeyd olunan müddət ərzində hərəkət istiqamətlərinə uyğun alternativ yollardan istifadə etmələri xahiş olunur”, – deyə məlumatda qeyd edilib.

Daha çox