Azərbaycan İsveçrənin Cenevrə şəhərində Beynəlxalq Telekommunikasiya İttifaqının “İnformasiya Cəmiyyəti üzrə Ümumdünya Sammiti (WSIS)+20 Yüksək Səviyyəli Tədbiri 2025” çərçivəsində təşkil edilən nazirlərin dəyirmi masasında iştirak edib. SİA xəbər verir ki, bunu rəqəmsal inkişaf və nəqliyyat naziri Rəşad Nəbiyev “X” sosial şəbəkəsində hesabında bildirib.
“BMT-nin Elektron Hökumətin İnkişafı İndeksində Azərbaycanın 9 pillə irəlilədiyini, elektron hökumətin çox sürətlə inkişaf etdiyi ölkə statusuna nail olduğunu, qlobal Kibertəhlükəsizlik İndeksində MDB ölkələri arasında Ii yerdə qərarlaşdığını diqqətə çatdırdıq. Region dövlətlərindən ilk dəfə məhz Azərbaycanın Milli Süni İntellekt Strategiyası hazırladığını bildirdik”,-deyə o qeyd edib.
