Ukraynanın gələcəyini yalnız ukraynalıların özləri, qardaş rus xalqı ilə birlikdə müəyyən etməlidir.
…Federasiya Şurasının Beynəlxalq Əlaqələr Komitəsi sədrinin birinci müavini Vladimir Cabarov bəyan edib ki, Rusiya heç bir halda Ukrayna ərazisində xarici hərbi kontingentin olmasına icazə verməyəcək.
v SİA-nın məlumatına görə, senator müsahibəsində fikirlərini bölüşüb. Cabarovun bəyanatı Fransa prezidenti Emmanuel Makronun Böyük Britaniyanın baş naziri Keir Starmer ilə birgə mətbuat konfransı zamanı atəşkəsdən sonra “istəklilər koalisiyasına” daxil olan dövlətlərin Ukraynanın hava və dəniz məkanında patrul xidməti planlarını açıqladığı sözlərinə cavab olub.
Cabarov bu planları “cəfəngiyyat” adlandırıb və vurğulayıb ki, onların Ukraynanın NATO-ya üzvlük variantından heç bir fərqi yoxdur, onun sözlərinə görə, bu, xüsusi hərbi əməliyyatın başlanmasının səbəblərindən biri olub.
…Xüsusi əməliyyatın başlanmasının səbəblərindən biri NATO-nun Ukraynanı özünə yaxınlaşdırmaq, sərhədlərimizə yaxınlaşmaq cəhdidir. Bu variant Ukraynanın NATO-ya üzvlük variantından nə ilə fərqlənir? Heç nə yoxdur. Xarici bazalar, aerodromlar və qoşunlar olacaq. Ona görə də qoy bu cəfəngiyyatı özlərində saxlasınlar.
Bunu rusiyalı senator bildirib.
Cabarovun sözlərinə görə, Ukraynanın gələcəyini yalnız ukraynalıların özləri, qardaş rus xalqı ilə birlikdə müəyyən etməlidir.
Əli Babayev
