Day: July 14, 2025

“Qarabağa ilk dəfə qatarla səfər etdik. Qatarla birbaşa Ağdam Dəmir Yolu və Avtovağzal Kompleksinə getdik. Təxminən 4 saat 20 dəqiqəyə Bakıdan Ağdama çatmaq olur. Yeni qatar yolu və vağzal fərqli bir xoş təəssürat yaratdı. Qatarla səyahətin tezliklə sərnişinlərin də istifadəsinə veriləcəyi bildirildi”. Bu sözləri SİA-ya açıqlamasında Gələcək Azərbaycan Partiyasının sədri Ağasif Şakiroğlu deyib. Ağasif Şakiroğlu sözlərinə belə davam edib: “Ağdam işğaldan əvvəl Qarabağın iqtisadi və mədəni mərkəzi idi. Gələcəkdə də Ağdam Azərbaycanın ən böyük iqtisadi şəhəri olacaq. Bu istiqamətdə mükəmkəl işlər görülür. Orada tikintilərin və yaşayış komplekslərinin miqyası böyükdür. Ağdamda…

Milli Məclisin növbədənkənar sessiyasının sonuncu iclası keçirilir. SİA xəbər verir ki, iclasın gündəliyinə bir və üçüncü oxunuşda müzakirəsi nəzərdə tutulan ümumilikdə 13 qanun layihəsi daxil edilib. İclasa Milli Məclisin sədri Sahibə Qafarova sədrlik edir.

Ümummilli liderin başladığı tarixi missiyasını Prezident İlham Əliyev davam etdirir. SİA xəbər verir ki, bunu Milli Məclisin sədri Sahibə Qafarova parlamentin növbədənkənar sessiyasının bugünkü iclasında Heydər Əliyevin 1969-cu il iyulun 14-də Azərbaycana rəhbər təyin olunmasının növbəti ildönümü ilə bağlı danışarkən deyib. O qeyd edib ki, Azərbaycan dünyanın geniş coğrafiyasında söz sahibi olan dövlətə çevrilib. “Prezident İlham Əliyevin siyasəti indiyə qədər olduğu kimi qarşıdakı dövrlərdə də Azərbaycan dövlətinə və xalqına uğurlar gətirəcək” – deyə, spiker əlavə edib.

Pirəkəşküldə 14-18 iyul tarixlərində müddəti başa çatmış və istifadəyə yararsız döyüş sursatları məhv ediləcək. Bu barədə SİA-ya Müdafiə Nazirliyindən məlumat verilib. Bildirilib ki, istismar müddəti başa çatmış və istifadəyə yararsız olan döyüş sursatlarının təhlükəsizlik qaydalarına riayət olunmaqla Pirəkəşkül qəsəbəsi yaxınlığındakı poliqonda məhv edilməsi prosesi həyata keçiriləcək: “Partlayış səsləri ilə əlaqədar əhalini təşvişə düşməməyə çağırır və narahatlığa heç bir əsasın olmadığını diqqətə çatdırırıq”.

Paris Yeni Kaledoniyaya separatizmlə mübarizə aparmaq üçün maksimum muxtariyyət veriləcək Parisin ətrafı Buqevalda on gün davam edən danışıqlardan sonra gələn ilin əvvəlində “Yeni Kaledoniya Dövləti”nin yaradılmasını nəzərdə tutan razılaşma əldə edilib. Möhtəşəm adına baxmayaraq, söhbət yalnız Fransanın bu dənizaşırı ərazisinin muxtariyyətinin genişləndirilməsindən gedir, onun tam müstəqilliyindən deyil. Razılaşma 2024-cü ildə Yeni Kaledoniyada bir neçə insanın ölümünə səbəb olan aylarla davam edən etirazların nəticəsi idi. Yerli əhali, Kanaklar, materik Fransadan gələnlərə yerli seçkilərdə səs vermək hüququ verən qanunun qəbul edilməsinə qarşı üsyan qaldırıblar. Danışıqları Yeni Kaledoniyada hökumət və əsas siyasi qüvvələrin…