Day: July 16, 2025

İsrail ABŞ prezidenti Donald Tramp administrasiyasının tələbindən sonra Suriyanın hərbi obyektlərinə hücumları dayandıracağına söz verib. SİA xəbər verir ki, bu barədə “Axios” portalı məlumat yayıb. Qeyd edək ki, bundan öncə İsrail qüvvələri Suriyanın cənubunda hərbi obyektlərə zərbələr endirmişdi.

Ukrayna Prezidenti Volodimir Zelenski çox vətəndaşlıq haqqında qanunu imzalayıb. SİA xəbər verir ki, bu barədə Ali Radanın rəsmi saytı məlumat yayıb. Bildirilib ki, müəyyən şərtlər daxilində ukraynalılar eyni zamanda iki və ya daha çox ölkənin vətəndaşlığına sahib ola biləcəklər. Bundan əlavə, digər ölkələrin vətəndaşları olan Ukrayna mənşəli şəxslər üçün də sadələşdirilmiş qaydada vətəndaşlıq əldə etmək hüququ təmin edilir. Yeni qanun Ukraynada hərbi xidmət keçən əcnəbilər üçün vətəndaşlıq əldə etmək prosedurunu sadələşdirir.

ABŞ Prezidenti Donald Tramp Avropa İttifaqı (Aİ) ilə ticarət danışıqlarında irəliləyiş olduğunu bildirib. SİA xəbər verir ki, bu barədə Ağ Ev rəhbəri jurnalistlərlə söhbətində deyib. “Biz Aİ ilə danışıqları davam etdiririk və irəliləyiş əldə edirik” deyən prezident faktiki olaraq razılıq əldə olunduğunu qeyd edib.

ABŞ, Fransa, Almaniya və Böyük Britaniya İranla nüvə sazişinin əldə olunması üçün son tarix kimi avqustun axırını təyin etmək qərarına gəliblər. SİA xəbər verir ki, bu barədə “Axios” portalı məlumat yayıb. Bildirilib ki, ABŞ dövlət katibi Marko Rubio ilə Fransa, Almaniya və Böyük Britaniyanın xarici işlər nazirləri bazar ertəsi telefon danışığı zamanı bu barədə razılığa gəliblər. Nəşr yazır ki, əgər bu müddətə qədər razılıq əldə olunmazsa, Tehran sərt sanksiyalarla üzləşə bilər. Belə ki, üç Avropa ölkəsi 2015-ci il İran razılaşmasının bir hissəsi olaraq BMT Təhlükəsizlik Şurasının ləğv etdiyi bütün sanksiyaların…

Macarıstan bu mövsüm ciddi meyvə məhsulu çatışmazlığı ilə üzləşib və bu, qiymətlərin artmasına və ixracın azalmasına səbəb olub. Ölkənin Meyvəçilər Assosiasiyasının məlumatına görə, yaz şaxtaları, quraqlıq və qəfil temperatur dəyişikliyi ərik, şaftalı və alma məhsuluna xeyli ziyan vurub. Bəzi rayonlarda itkilər məhsul həcminin 60-80 faizinə çatıb. SİA Assosiasiyanın hesabatına istinadla xəbər verir ki, mərkəzi və şimal-şərq rayonları xüsusilə zərər çəkib. Burada meyvə bağlarının əhəmiyyətli hissəsi aprel ayından etibarən donma təhlükəsi ilə üzləşib. Yay da anomal isti və quru keçib ki, bu da vəziyyəti daha da ağırlaşdırıb. Fermerlərin sözlərinə görə, bir…

Fransanın Pireney-Atlantik departamentində yerləşən kilsəyə qarşı vandalizm aktı törədilib SİA “Figaro”ya istinadla xəbər verir ki, səhər kilsəyə gələn keşiş ibadət yerinə böyük həcmdə tullantı atıldığını görüb. Hadisə bazar günü baş versə də, ötən gün axşam saatlarında ictimailəşdirilib. Din xadiminin jurnalistlərə bildirdiyinə görə, tullantı o qədər çox olub ki, üstündən keçmək mümkün olmayıb. Məsələ ilə bağlı polisə məlumat verilib.

“Euronews” telekanalı İqtisadi Əməkdaşlıq Təşkilatının iyulun 3-4-də Xankəndidə keçirilən 17-ci Zirvə Görüşü ilə bağlı xüsusi reportaj hazırlayıb. SİA xəbər verir ki, reportajda qeyd olunur ki, Zirvə Görüşündə liderlər əsas diqqəti üzv dövlətlər və dəvət olunmuş ölkələr arasında ticarət, nəqliyyat dəhlizləri və regional əlaqələrin gücləndirilməsinə yönəldiblər. İƏT-in Baş katibi Əsəd Məcid Xan bildirib ki, sammitdə nəqliyyat dəhlizlərinin inteqrasiyasının inkişafı üçün prioritetlər müəyyən edilib. Azərbaycanın iqtisadiyyat naziri Mikayıl Cabbarov regional bazarların birləşməsində ölkənin rolunu vurğulayıb. Pakistan nümayəndə heyəti sammitin diplomatik potensialına, Nigeriya nümayəndəsi isə çoxtərəfli əməkdaşlığa diqqət çəkib. Yekun bəyannamədə ticarət maneələrinin…