…Hələ də komada olan rusiyalı təbliğatçı Tiqran Keosayanın vəziyyətində heç bir irəliləyiş yoxdur.
SİA-nın məlumatına görə, bu barədə onun həyat yoldaşı, “Rossiya seqodnya” qəzetinin baş redaktoru Marqarita Simonyan Telegram kanalında bəyan edib.
…Simonyan guya abunəçinin Keosayanın vəziyyəti haqqında danışmaq xahişinə cavab olaraq yazıb ki, “…mən bəd gözdən qorxmuram. Yanvarın əvvəlində Keosayan kliniki ölüm yaşadı və hazırda komadadır”.
Sonra Simonyan deyib ki, Keosayan uzun müddət idi ki, xəstə ürəyini müalicə etdirirdi.
Aprel ayında Simonyan Keosayanın sözlərə və hərəkətlərə reaksiya verdiyini bildirmişdi. Onun sözlərinə görə, təbliğatçı səs stimullarına cavab olaraq gözlərini qırpır, həmçinin ağzını açır, qollarını uzadıb, ayaq barmaqlarını bükür.
Deməli, yenilik olmasa da bildirək ki, Simonyan və Keosayan 2022-ci ilin martından evlidirlər və onların üç övladları var. 59 yaşlı Keosayan rejissor, ssenarist və Putinin təbliğatçısı, həmçinin aktyor kimi tanınır.
Əli Babayev
