Latviya hakimiyyəti Avropa İttifaqında daimi yaşayış statusu almamış Rusiya vətəndaşlarına ölkəni tərk etməyi əmr edib.
SİA-nın rus saytlarından əldə etdiyi məlumata görə, bu barədə Vətəndaşlıq və Miqrasiya Məsələləri İdarəsi bildirib.
Agentliyin məlumatına görə, 841 Rusiya vətəndaşı Latviyada qalma müddətinin uzadılması üçün tələb olunan sənədləri təqdim etməyib.
Nəticədə onlar 2025-ci il noyabrın 30-dək ölkəni tərk etməlidirlər.
LETA xəbər verir ki, tədbir 2024-cü ilin iyununda qəbul edilmiş İmmiqrasiya Aktına edilən dəyişikliklərin nəticəsidir. Vətəndaşlıq və Miqrasiya Məsələləri İdarəsi aydınlaşdırıb ki, hər hansı bir Rusiya vətəndaşı Latviyada qalmaq istəyirsə, o, daimi yaşayış icazəsi üçün müraciət etməli və latış dilindən dil imtahanından keçməlidir.
Əli Babayev
