Day: July 23, 2025

Süveydə bölgəsində vəziyyətin gərginləşməsi zamanı törədilmiş qətlləri araşdırmaq üçün komitə yaradılıb. SİA xəbər verir ki, bu barədə Suriya Müdafiə Nazirliyi məlumat verib. Bildirilib ki, Süveydədə qanunu pozanların şəxsiyyətləri müəyyən edilərək maksimum cəza tədbirləri tətbiq olunacaq.

İsrail yeni hücumlara başlayarsa, Tehran yeni hərbi əməliyyatlara hazırdır”. SİA xəbər verir ki, bu xəbərdarlığı “Əl-Cəzirə” telekanalına müsahibə verən İran Prezidenti Məsud Pezeşkian edib. “İran ordusu tam döyüş hazırlığındadır və İsrail ərazisinə cavab zərbələri endirməyə qadirdir. Biz İsrailin istənilən hərbi əməliyyatına hazırıq və qüvvələrimiz yenidən İsrail ərazisinin dərinliklərinə zərbə endirmək üçün tam döyüş hazırlığındadır”, – İran prezidenti bildirib.

Fransanın Avropa və xarici işlər naziri Jan-Noel Barro Avropa İttifaqı səviyyəsində Rusiyaya qarşı yeni sanksiyalar paketinin hazırlandığını elan edib. Barronun sözlərinə görə, məqsəd Rusiyanın “hərb iqtisadiyyatını tükətmək” və Moskvanı atəşkəsə məcbur etməkdir. SİA xəbər verir ki, bu bəyanatı Barro Ukraynaya iki günlük rəsmi səfəri zamanı “FranceInter” radiosuna müsahibəsində səsləndirib. Diplomat bildirib ki, yeni sanksiya paketi hazırlanır. Məqsəd döyüşlərin dayandırılması, danışıqlara dönüşün təmin olunmasıdır. O, Avropa İttifaqı iqtisadiyyatının Rusiyadan on dəfə böyük olduğunu vurğulayıb. Səfəri çərçivəsində Barro Ukrayna Prezidenti Volodimir Zelenski ilə görüşüb və bir daha Fransanın qəti dəstəyini ifadə edib.…

2018-ci ildə Kaliforniya ştatında baş verən yanğınlar ölkəyə 13 milyard dollar ziyan vurmuşdu. SİA xəbər verir ki, bu yanğınlar ABŞ tarixində ən çox ziyana səbəb olmuş kütləvi yanğın kimi qiymətlndirilirdi. Lakin 2025-ci ilin əvvəlində Kaliforniyada baş vermiş 2 meşə yanğınının fəsadları ABŞ tarixindəki bütün yanğınları üstələyib. Sözügedən fəlakətlərdə 31 nəfər ölüb, 16 200-dən çox tikili məhv olub. Yerli ekspertlərin hesabatında qeyd olunur ki, söhbət həm ABŞ, həm də dünya tarixində ən “bahalı” 2 yanğından gedir. Ziyanın ümumi həcmi 65 milyard dolları ötüb.

Almaniyanın “Bosch” şirkəti Reutlingendəki zavodunda 2029-cu ilədək 1100 iş yerini ixtisar etməyi planlaşdırır. SİA xəbər verir ki, şirkətin açıqlamasında idarəetmə qurğuları istehsal edən müəssisənin artıq rəqabət qabiliyyətli olmadığı, strukturun yenidən qurulmasına və xərclərin azaldılmasına ehtiyac yarandığı qeyd edilib. Gələcəkdə bu müəssisədə əsasən yarımkeçiricilər istehsal olunacaq. Plana əsasən, 2029-cu ilin sonunadək 1100-dək iş yerinin ixtisarı tələb olunacaq. İxtisarlar istehsal, idarəetmə qurğularının hazırlanması sahələrini və inzibati sahəni əhatə edəcək. Qərar idarəetmə qurğuları sahəsində çətinləşən bazar şərtləri, tələbatın kəskin azalması, artan rəqabət və qiymət təzyiqinə görə verilib. Bazar yeni təchizatçılar tərəfindən ciddi şəkildə…

Moskvada məşhur “Baza” teleqram kanalının baş redaktoru Qleb Trifonov və onun həmkarı rüşvətdə şübhəli bilinərək saxlanılıblar. SİA bu barədə TASS-a istinadən xəbər verir. Məlumata görə, axtarışlar zamanı istintaq üçün mühüm əhəmiyyət kəsb edən sənədlər və elektron informasiya daşıyıcıları aşkar edilərək götürülüb. Həmçinin İstintaq Komitəsinin yaydığı məlumata görə, Krasnodar və Krasnoyarsk diyarlarında, eləcə də Belqorod vilayətində müstəntiqlər “məhdud girişli məlumatların qanunsuz ötürülməsi və teLeqramda dərc olunması faktlarını” aşkar ediblər. Qeyd edək ki, polislər ötən gün axtarış aparmaq üçün “Baza” teleqram kanalının ofisinə gediblər. Axtarışlardan sonra nəşrin iki əməkdaşı saxlanılıb və daha…

Avropalı iqlimşünaslar aşkar ediblər ki, Şpitsbergen arxipelaqının qar və buz örtüyünün nəzərəçarpacaq hissəsi yoxa çıxıb, arxipelaqın qış iqlimi isə cari ilin fevralında baş vermiş rekord istiləşmə nəticəsində radikal şəkildə dəyişib. Həmin istiləşmə zamanı qış aylarında orta hava temperaturu normadan 12 dərəcə Selsi yüksək olub. SİA xəbər verir ki, bu barədə Londonun Kraliça Meri Universitetinin mətbuat xidməti məlumat yayıb. “Sonuncu ekspedisiyamız zamanı biz yeni yağan qarı öyrənməyi planlaşdırırdıq. Lakin iki həftəlik müşahidə dövründə bu cür nümunələri cəmi bir dəfə götürə bildik, çünki digər bütün günlərdə yağıntılar yağış şəklində düşürdü. Nəticədə ərazidəki…