Day: July 24, 2025

Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdəki yanğınlarla bağlı müraciət edib. SİA xəbər verir ki, müraciətdə son günlərdə mövsümlə əlaqəli havaların isti və quraq keçməsi nəticəsində meşə və otlaq sahələrində yanğın hadisələrinin artdığı qeyd olunub. Məlumata görə, azad edilmiş ərazilərə vətəndaşların istirahət və ziyarət xarakterli səfərlərinin intensivləşməsi və qayıdış prosesində iştirak edən sakinlərin sayının artması müşahidə olunur. Bu səbəbdən ANAMA vətəndaşlara azad olunan ərazilərdə olarkən odla davranış qaydalarına ciddi riayət etmələri üçün çağırış edib: “Açıq alovdan istifadə zamanı ehtiyatlı davranmalı, siqaret kötüklərini yerə atmaqdan çəkinmək lazımdır. Baş verə…

Dini Qurumlarla İş üzrə Dövlət Komitəsinin sədri Ramin Məmmədov iyulun 24-də Cənubi Qafqaz və Gürcüstan Yevangelik-Lüteran kilsəsinin yepiskopu Rolf Bayars ilə görüşüb. SİA xəbər verir ki, görüş zamanı Azərbaycandakı dinlərarası harmoniya, tolerantlıq və multikulturalizm ənənələri barədə fikir mübadiləsi aparılıb. Dini icmalara dövlət tərəfindən göstərilən dəstək, konfessiyalar arasında qarşılıqlı hörmətin təşviqi istiqamətində atılan addımların dini müxtəlifliyin qorunub saxlanılmasında mühüm rol oynadığı qeyd edilib. Bildirilib ki, Azərbaycanın dinlərarası dialoqa verdiyi töhfələr nümunəvi xarakter daşıyır. Uğurlu multikulturalizm və tolerantlıq modelinə malik ölkəmizin bu sahədəki nailiyyətləri bütün dünyada maraq doğurur. Söhbət əsnasında ölkədəki bütün…

“2025-ci ildə Şuşada keçirilmiş III Qlobal Media Forumunda Azərbaycan Respublikasının Prezidenti İlham Əliyev çıxışı zamanı bir sıra milli, regional və qlobal əhəmiyyətli məsələlərə toxunmuş, həm ölkəsinin rəsmi mövqeyini, həm də öz şəxsi baxış bucağını təqdim etmişdir. Bu məsələlər arasında xüsusilə diqqət çəkən mövzulardan biri də COP29 konfransının Azərbaycanda keçirilməsi, yaşıl enerji siyasəti, və ekoloji davamlılığın qlobal miqyasda təşviqi olmuşdur”. Bu sözləri SİA-ya açıqlamasında deputat Musa Quliyev deyib. Deputat sözlərinə belə davam edib: “Prezident İlham Əliyev vurğulamışdır ki, COP29-un Bakıda keçirilməsi Azərbaycanın beynəlxalq nüfuzunun göstəricisi olmaqla yanaşı, həm də ölkənin planetin…

Ölkəmizdə səfərdə olan Somali Federativ Respublikasının xarici işlər və beynəlxalq əməkdaşlıq naziri Abdisalam Abdi Ali iyulun 24-də Fəxri xiyabanı və Şəhidlər xiyabanını ziyarət edib. SİA-ya bildirilib ki, nazir əvvəlcə Fəxri xiyabana gələrək, xalqımızın Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla anıb, məzarı önünə əklil qoyub. Daha sonra Abdisalam Abdi Ali Şəhidlər xiyabanına gedərək Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini ehtiramla yad edib, “Əbədi məşəl” abidəsinin önünə əklil qoyub.