Day: July 25, 2025

Azərbaycan və Türkiyənin “Albayrak Holdinq” arasında əməkdaşlıq imkanları müzakirə edilib. SİA xəbər verir ki, bunu İqtisadiyyat Nazirliyi yanında Kiçik və Orta Biznesin İnkişafı Agentliyi (KOBİA) İdarə Heyətinin sədri Orxan Məmmədov “X” sosial şəbəkəsində hesabında bildirib. O qeyd edib ki, müzakirələr Holdinqin İdarə Heyətinin üzvü Məhəmməd Sinan Albayrakın ölkəyə səfərləri çərçivəsində keçirilmiş görüşdə baş tutub: “Görüşümüzdə Azərbaycana investisiya qoyuluşu müzakirə edilib”.

Bu ilin I yarısında Azərbaycandakı mehmanxana (hotel) və mehmanxana tipli obyektlərin gəlirləri ötən ilin eyni dövrü ilə müqayisədə 9,2 % artaraq 290 milyon manat olub. SİA bu barədə Dövlət Statistika Komitəsinə istinadən xəbər verir. Məlumata görə, bunun 60,4 %-i nömrələrin (otaqların) təqdim olunması üzrə xidmətlərdən, 27,5 %-i ictimai iaşə xidmətlərindən, 3,2 %i müalicə və sağlamlıq xidmətlərindən, 8,9 faizi isə digər xidmətlərin göstərilməsindən əldə edilib. Yanvar-iyun aylarında mehmanxana (hotel) və mehmanxana tipli obyektlərin birdəfəlik tutumundan istifadə səviyyəsi ölkə üzrə 21,4 % təşkil edib (2024-cü ilin eyni dövründə 21,1 %). Bu göstərici…

Bu il yanvarın 1-nə Qarabağ Dirçəliş Fondunun (QDF) borc qiymətli kağızlara investisiyaları 1 milyard 188,844 milyon manat təşkil edib. SİA Fondun maliyyə hesabatına istinadən xəbər verir ki, bu, ötən il yanvarın 1-i ilə müqayisədə 20 % çoxdur. QDF-nin borc qiymətli kağızlara investisiyalarının 73,4 %-i və yaxud 873,057 milyon manatı uzunmüddətli (1 il əvvələ nisbətən 30 % çox), 26,6 %-i və yaxud 315,787 milyon manatı isə qısamüddətli (0,7 % az) olub. İl ərzində Fondun borc qiymətli kağızlara investisiyalarının onun aktivlərindəki payı 6,4 faiz bəndi artaraq 67,1 %-dən 73,5 %-ə çatıb. Xatırladaq…

Bu gün keçirilən hərraclar zamanı Avropada qazın 1 000 kubmetrinin qiyməti 393 ABŞ dolları civarında qərarlaşıb. SİA xəbər verir ki, 25 iyul tarixində TTF (Niderlandın “Title Transfer Facility”i Avropanın ən likvid virtual satış mərkəzi) indeksi üzrə avqust fyuçerslərinin qiyməti 393,1 dollar təşkil edib, bu da öncəki hesablama qiyməti (393,4 dollar) ilə müqayisədə 0,1% azdır. Qeyd edək ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.

Nazirlər Kabineti 11 aprel 2019-cu il tarixli qərarı ilə təsdiq edilmiş “Ümumi istifadədə olan avtomobil nəqliyyatı ilə ölkədaxili sərnişin və yük daşımalarını yerinə yetirən sürücülərin peşə fəaliyyətinə və davranışına, iş və istirahət rejiminin xüsusiyyətlərinə, habelə avtomobil nəqliyyatı ilə sərnişin və yük daşımalarını tənzimləyən normativ hüquqi aktlara dair hazırlıq üzrə Xüsusi Proqram”da dəyişiklik edib. SİA xəbər verir ki, bununla bağlı Baş nazir Əli Əsədov yeni qərar imzalayıb. Qərara əsasən, Proqrama “Ümumi istifadədə olan avtomobil nəqliyyatı ilə ölkədaxili sərnişin daşımalarını yerinə yetirən sürücülərin peşə fəaliyyətinə və davranışına, iş və istirahət rejiminin xüsusiyyətlərinə,…

2024-cü ildə Əmək və Əhalinin Sosial Müdafiəsi Nazirliyinin Dövlət Əmək Müfəttişliyi Xidmətinin xərcləri 1,033 milyon manat təşkil edib. SİA Xidmətin maliyyə hesabatına istinadən xəbər verir ki, bu, 2023-cü illə müqayisədə 14,2 dəfə çoxdur. Ötən il qurumun inzibati xərcləri 852 min manat (11,7 dəfə çox), digər xərcləri isə 182 min manat (kəskin artıb) təşkil edib. Bu il yanvarın 1-nə Dövlət Əmək Müfəttişliyi Xidmətinin həm aktivləri, həm də balans kapitalı 1,733 milyon manat olub ki, bu da illik müqayisədə 3,9 dəfə çoxdur. Xidmətin öhdəlikləri olmayıb. Xatırladaq ki, Dövlət Əmək Müfəttişliyi Xidməti 2011-ci…