Day: July 25, 2025

Bu ilin yanvar-iyun aylarında “Azərbaycan Dəmir Yolları” QSC (ADY) tərəfindən ölkədaxili marşrutlar və Abşeron dairəvi dəmir yolu xətti üzrə ümumilikdə 4 milyon 648 min 444 sərnişin daşınıb. Bu barədə SİA ADY-yə istinadən xəbər verir. Bildirilib ki, bu göstərici 2024-cü ilin eyni dövrü ilə müqayisədə 798 min 103 nəfər və ya 20,7% çoxdur. Yalnız iyun ayında isə ölkədaxili və Abşeron dairəvi dəmir yolu marşrutları üzrə 766 min 718 sərnişin daşınıb ki, bu da bir il öncəki göstərici ilə müqayisədə 185 min 742 nəfər və ya 32 % artım deməkdir.

Son iki il ərzində Naxçıvan Muxtar Respublikasında 6 yeni yataq kəşf edilib. SİA xəbər verir ki, bunu Naxçıvan Muxtar Respublikasında Azərbaycan Prezidentinin səlahiyyətli nümayəndəsi Fuad Nəcəfli Naxçıvan şəhərində keçirilən Beynəlxalq Geologiya-Mədənçilik Forumunda bildirib. Onun sözlərinə görə, muxtar respublikada son iki il ərzində qeyri-filiz və inşaat materialları yataqlarına axtarış, təftiş və qiymətləndirməsi, yeraltı suların monitorinqi, qara, əlvan və nəcib metalların axtarışı, yenidən qiymətləndirilməsi üzrə çöl və kameral işlər görülüb, 55 yataqda təftiş və yenidən qiymətləndirmə işləri aparılıb. Səlahiyyətli nümayəndə qeyd edib ki, çöl materialları əsasında 298 mineral su bulağının təftişi aparılıb:…

Filiz faydalı qazıntı yataqlarının axtarış-təftişi və ehtiyatlarının qiymətləndirilməsi layihəsinə müvafiq olaraq, Ağdərə-Nəsirvaz filizləşmə sahəsində layihə üzrə nəzərdə tutulmuş bütün işlər icra olunub, Babək rayonu Xal-Xal sahəsində cari ildə çöl geoloji kəşfiyyat işlərinə başlanılıb. SİA xəbər verir ki, bunu Prezidentin Naxçıvan Muxtar Respublikasında səlahiyyətli nümayəndəsi Fuad Nəcəfli Naxçıvan şəhərində keçirilən Beynəlxalq Geologiya-Mədənçilik Forumunda deyib. F.Nəcəfli qeyd edib ki, muxtar respublika ərazisində ekzogen geoloji proseslərin monitorinqinin təşkili və aparılması işləri davam etdirilib, EGP-nin fəal inkişaf etdiyi sahələrdə yoxlama-təftiş marşrutları, topogeodeziya işləri kompleks şəkildə yerinə yetirilib: “Həmçinin “Parağaçay”, “Qapıcıq” molibden və “Gümüşlü” polimetal…

“İxtisasların təsnifatı təsdiq olunub, magistr ixtisaslarımız tamamilə yenilənib. Əmək bazarı ilə bağlı yeni ixtisaslar yaradılıb”. SİA xəbər verir ki, bu sözləri jurnalistlərə açıqlamasında elm və təhsil nazirinin müşaviri Nicat Məmmədli deyib. “Bakalavr pilləsində də bir neçə yeni ixtisasımız var”, – o bildirib. Nazir müşaviri qeyd edib ki, təhsil haqqının artımı ilə bağlı məsələ gündəmdə deyil.