Day: July 25, 2025

Bu ilin yanvar-iyun aylarında İpoteka və Kredit Zəmanət Fondunun (İKZF) xətti ilə 232,9 milyon manat kredit verilib. SİA Azərbaycan Mərkəzi Bankına (AMB) istinadən xəbər verir ki, bu, ötən ilin eyni dövrü ilə müqayisədə 1,1 % çoxdur. Hesabat dövründə Fondun yenidən maliyyələşdirdiyi kreditlərin məbləği isə 11,8 %artaraq 218,3 milyon manat olub. Son 1 ildə İKZF-nin istiqraz buraxmaqla cəlb etdiyi vəsaitin məbləği 10 % artaraq 330 milyon manat olub, Fonda dövlət büdcəsindən ayrılmış vəsait isə 2,7 % azalaraq 42,6 milyonmanat olub.

İyulun 24-də Amerika fond bazarlarında Dow Jones indeksi 0,70% – 44,693.91 bəndədək azalıb, S&P 500 indeksi 0,07% – 6,363.35 bəndədək, Nasdaq indeksi isə 0,18% – 21,057.96 bəndədək artıb. SİA-nın məlumatına görə, Avropa fond bazarlarında iyulun 24-də FTSE 100 indeksi 0.85% – 9,138.37 bəndədək, Almaniyanın DAX indeksi 0.23% – 24,295.93 bəndədək artıb, Fransanın CAC-40 indeksi isə 0.41% – 7,818.28 bəndədək azalıb. Dünya bazarlarında avronun dollara qarşı məzənnəsi 0,08% azalaraq 1.1740 dollar təşkil edib. Your browser does not support the video tag. Sizin reklam yeriniz

Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti azalıb. SİA xəbər verir ki, avqustda çatdırmaq şərtilə təbii qaza olan fyuçerslərin qiyməti 1 mln. BTU-ya görə (British thermal unit – Britaniya istilik vahidi) 0,55% azalaraq 3,099 ABŞ dolları təşkil edib.

Əmtəə bazarlarında qızılın bir troya unsiyası (31,1 qram) üzrə fyuçerslərin qiyməti azalıb. SİA birja məlumatlarına istinadən xəbər verir ki, Nyu-Yorkun COMEX əmtəə birjasında qızılın bir troya unsiyası üzrə avqust fyuçerslərinin qiyməti 0,35% azalaraq 3 361,6 ABŞ dollarına bərabər olub. COMEX-də gümüşün bir unsiyası üzrə sentyabr fyuçerslərinin qiyməti isə 0,02% artaraq 39,23 ABŞ dolları olub.