Day: July 27, 2025

Türkiyənin Bursa, Uşak, Karabük və Kahramanmaraş olmaqla, dörd vilayətdə meşə yanğınları ilə mübarizə davam edir. SİA xəbər verir ki, ölkə üzrə baş verən son yanğınlarla bağlı Türkiyənin kənd və meşə təsərrüfatı naziri İbrahim Yumaklı açıqlama verib. Bildirilib ki, Bursadakı yanğınının şiddəti qismən azalıb. Orhanelidə yanğınlara müdaxilə edən işçilərdən biri ürək tutması nəticəsində həyatını itirib. Nazir, dünən ölkə üzrə ümumilikdə 84 yanğınla mübarizə apardıqlarını və 4 şəhərdə 5 alovun nəzarət altına alındığını deyib. Bu yanğınlardan 36-ı meşəlik ərazilərdə baş verib. Yumaklı, oktyabrın 15-dək bütün vətəndaşların ehtiyatlı olmalarının vacibliyini vurğulayıb.

Bir çox ölkənin Qəzza zolağının bərpasına söz verdiyi açıqlanıb. SİA xəbər verir ki, bu barədə Fələstinin Avstriyadakı səfiri Salah Abdel Şafi “RİA Novosti”yə danışıb. Onun sözlərinə görə, Qəzza zolağında uzunmüddətli atəşkəs haqqında razılıq əldə edildikdən sonra bir çox ölkə onun bərpasına yardım edəcək. “Biz bilirik ki, bir sıra ölkələr hərbi əməliyyatlar dayandırılan və uzunmüddətli atəşkəs imzalanan kimi maliyyə, texniki və maddi yardım göstərməyə hazırdır”.

Türkiyədə yanğınlarla bağlı 33 vilayətdə 97 şübhəli barəsində tədbir görülüb. SİA Anadolu agentliyinə istinadla xəbər verir ki, bu barədə ölkənin ədliyyə naziri Yılmaz Tunç məlumat verib. Onun sözlərinə görə, bu günə qədər 33 vilayətdə 97 şübhəli barəsində məhkəmə prosesi aparılıb. 97 şübhəlidən 21-i həbs olunub, 47-si haqqında isə məhkəmə nəzarəti qərarı verilib. Nazir Yumaklı deyib ki, ölkə üzrə 28-i meşədə, 48-i kənd yerlərində olmaqla baş verən 76 yanğınla mübarizə aparılıb.

Nigeriyanın Niger ştatında yerləşən çayda sərnişin daşıyan qayığın batması nəticəsində 25 nəfər həyatını itirib. SİA xəbər verir ki, yerli mətbuatda yer alan məlumatlara görə, Niger ştatının Munya bölgəsindən bazara yollanan sərnişinlərin mindiyi qayıq Şiroro bölgəsində batıb. Hadisə zamanı ilkin məlumatlara əsasən 25 nəfər həyatını itirib, onlarla insan itkin düşüb. Rəsmi şəxslər bölgədə axtarış-xilasetmə işlərinin davam etdiyini, ölənlərin sayının artmasından narahat olduqlarını bildiriblər. Qeyd edək ki, Nigeriyada yağış mövsümündə çay və göllərdə tez-tez qayıq faciələri baş verir.

Moskva vilayətində yerləşən “Crocus City Hall” konsert kompleksində terror aktını törədən şəxslərin Rusiyadan qaçmaq üçün təşkilatçılardan pul aldıqları təsdiqlənib. SİA xəbər verir ki, bu barədə Rusiya mediası məlumat yayıb. Məlumata görə, onlara 135 min rubl (təxminən 2 900 manat) ödənilib. Həmin məbləğ Şəmsidin Fəriduninin hesabına cinayətkar təşkilatın naməlum üzvü tərəfindən köçürülüb. Xatırladaq ki, 2024-cü il martın 22-də “Crocus City Hall” konsert zalında terror aktı törədilib. Hadisə zamanı 149 nəfər həlak olub, 609 nəfər isə yaralanıb.

Türkiyə Ticarət Nazirliyi tərəfindən İstanbulun Sabiha Gökçen Hava Limanında həyata keçirilən əməliyyatlarda 132 ədəd “Labubu” oyuncağı ələ keçirilib. SİA xəbər verir ki, bu oyuncaqları gömrük bəyannaməsi bəyan edilmədən qaçaqmalçılıq yolu ilə keçirməyə cəhd olunub. İstanbul Sabiha Gökçen Hava Limanına gələn iki sərnişin aparılan risk analizindən sonra nəzarətə götürülüb. Sərnişinlər “Gömrüyə aid heç bir əşyam yoxdur” mənasını verən yaşıl xəttdən istifadə edərək oradan çıxdıqdan sonra onların baqajından 132 ədəd sözügedən oyuncaq aşkar edilib. Qeyd edək ki, Çinin “Pop Mart” şirkətinin “Labubu” oyuncağı son dövrlərdə sürətlə populyarlıq qazanıb. “Labubu” oyuncağının alıcılarının 40…