Day: August 1, 2025

Azərbaycan Mərkəzi Bankının sədri Taleh Kazımov sığorta sektorunun rəhbər şəxsləri ilə görüşüb. SİA xəbər verir ki, o, bunu “X” sosial şəbəkəsindəki hesabında bildirib. “Görüşdə bu ilin I yarısında sektorun fəaliyyət göstəricilərii nkişaf dinamikası və mövcud çağırışlar ətrafında ətraflı müzakirələr aparılıb. Eyni zamanda, qarşıdakı dövr üçün strateji prioritetlər və həyata keçirilməsi planlaşdırılan təşəbbüslər diqqət mərkəzində olub”, – deyə o qeyd edib.

Bu il iyulun 1-nə Azərbaycanın dövlət zəmanətli borcunun məbləği (daxili və xarici borc) 10 milyard 837,9 milyon manat və yaxud 2025-ci il üzrə proqnozlaşdırılan ümumi daxili məhsulun (ÜDM) 8,3 %-i qədər olub. SİA bu barədə Maliyyə Nazirliyinə istinadən xəbər verir. Məlumata görə, dövlət zəmanəti verilmiş borcun 9 milyard 123,6 milyon manatı (5 milyard 366,8 milyon ABŞ dolları) və yaxud 84,2 %-i xarici kreditlərin, 1 milyard 714,3 milyon manatı və yaxud 15,8 %-i isə daxili kreditlərin payına düşüb. Hesabat tarixinə dövlət zəmanətli borc portfelinin 58,7 %-ni sabit, 41,3 %-ni dəyişkən faiz…

Azərbaycanın bu il iyulun 1-nə 17 milyard 177,4 milyon manat təşkil etmiş daxili dövlət borcunun 8 milyard 26,8 milyon manatını dövriyyədə olan dövlət qiymətli kağızları, 9 milyard 150,6 milyon manatını isə hökumətin üzərinə götürdüyü dövlət zəmanətli öhdəlikləri təşkil edib. SİA bu barədə Maliyyə Nazirliyinə istinadən xəbər verir. Məlumata görə, hesabat tarixinə dövlət qiymətli kağızlarının 12,9 %-i 1 illik, 57 %-i 2 və 3 illik, 30,1 %-i isə 5 il və daha artıq müddətli olub. İyunun sonuna dövriyyədə olan dövlət istiqrazları üzrə Orta Ödəmə Müddəti (OÖM) 2,93 il təşkil edib. Yarımil…

“İqtisadi sabitlik pozulduqda insanların gündəlik xərcləmə vərdişləri də dəyişməyə başlayır. İlk növbədə, ailə büdcələrində prioritetlər yenidən qurulur. Əhali mədəni tədbirlər, əyləncə, kitab alışları, kinoya və teatra getmək kimi xərcləri “ikincili” hesab edərək bu sahələrə ayırdığı maliyyəni azaldır və əsas diqqəti ərzaq, kommunal xidmətlər, tibbi xidmətlər və digər zəruri sahələrə yönəldir”. Bu sözləri SİA-ya açıqlamasında iqtisadçı ekspert Emin Qəribli deyib. Onun sözlərinə görə, bu dəyişiklik sadəcə fərdi həyat tərzinin yox, ümumilikdə cəmiyyətin mədəni səviyyəsinin və yaradıcılıq potensialının zəifləməsinə səbəb olur. İnsanların mədəni tədbirlərdən uzaq düşməsi sosial izolyasiyanı artırır, ictimai dialoqu zəiflədir…