Day: August 9, 2025

Strateji Tərəfdaşlıq Xartiyasında gələcək əməkdaşlıq istiqamətləri açıq-aydın təsbit edilib. SİA xəbər verir ki, bu sözləri Azərbaycan Prezidenti İlham Əliyev Vaşinqtonda Azərbaycan mətbuatına müsahibəsində deyib. Dövlətimizin başçısı vurğulayıb ki, bunlar qarşılıqlı sərmayə qoyuluşu, energetika, nəqliyyat bağlantıları, tranzit, təhlükəsizlik, süni intellekt, müdafiə sənayesi, müdafiə sahəsində əməkdaşlıq və digər məsələləri ehtiva edir.

Prezident İlham Əliyev Vaşinqtonda Azərbaycanın media nümayəndələrinə müsahibə verib – YENİLƏNƏCƏK/FOTOLAR

İtaliyanın mətbu orqanları Azərbaycan və Ermənistan arasında sülhün və dövlətlərarası münasibətlərin təsis olunması haqqında Sazişin razılaşdırılmış mətninin paraflanmasını diqqət mərkəzində saxlayıb. SİA xəbər verir ki, ANSA, “Sky TG24”, “Corriere della Sera”, “Corriere del Ticino”, “Giornale di Brescia”, “Prealpina”, “Za Zoom” kimi informasiya agentlikləri və xəbər portallarının yaydığı materiallarda Azərbaycan Prezidenti İlham Əliyev, ABŞ Prezidenti Donald Tramp və Ermənistanın Baş naziri Nikol Paşinyanın Azərbaycan Prezidenti və Ermənistanın Baş nazirinin Vaşinqtonda keçirilmiş görüşünə dair Birgə Bəyannamə imzaladıqları bildirilir. Qeyd edilib ki, Donald Tramp ABŞ və Azərbaycan arasında hərbi əməkdaşlığa qoyulan məhdudiyyətlərin aradan…

Serbiya mediası Azərbaycan Prezidenti İlham Əliyev və Ermənistanın Baş naziri Nikol Paşinyanın Vaşinqtonda keçirilmiş görüşünü geniş işıqlandırıb. SİA xəbər verir ki, “Novosti”, “Alo”, “Politika”, RTV, “Indeks Online” kimi media orqanlarının dərc etdiyi yazılarda Prezident İlham Əliyev, ABŞ Prezidenti Donald Tramp və Ermənistanın Baş naziri Nikol Paşinyanın Vaşinqtondakı görüşünə dair Birgə Bəyannamə imzaladıqları qeyd olunur. Materiallarda diqqətə çatdırılır ki, Azərbaycanla Ermənistan arasında sülhün və dövlətlərarası münasibətlərin təsis olunması haqqında Sazişin razılaşdırılmış mətni paraflanıb. Saziş ABŞ-ın nəzarəti altında əsas nəqliyyat dəhlizinin yaradılması üzərində birgə işləməyi, iki ölkə arasında ticarət, səyahət və diplomatik…

Prezident Trampla ilk görüşümüz çox mehriban, səmimi və nəticəyə yönümlü oldu. SİA xəbər verir ki, bu fikri Azərbaycan Prezidenti İlham Əliyev Vaşinqtonda Azərbaycan mətbuatına müsahibəsində deyib. Dövlətimizin başçısı qeyd edib ki, onun Prezident Trampa şəxsi münasibəti həmişə çox müsbət olub. “O, Azərbaycan xalqı kimi ailə dəyərlərini qiymətləndirən insandır”, – deyə Prezident İlham Əliyev əlavə edib.

Mən avqustun 8-ni bütün region üçün çox müsbət nəticələr verəcək dövlətlərarası münasibətlərimizdə tarixi gün hesab edirəm. Şübhəsiz ki, bu gün Azərbaycan və Ermənistan arasında baş verənlər həm də bütün region, Cənubi Qafqazda sülh, sabitlik və firavanlıq istəyən hər kəs üçün çox əhəmiyyətli olacaq. SİA xəbər verir ki, bu barədə Azərbaycan Prezidenti İlham Əliyev Vaşinqtonda Azərbaycan media nümayəndələrinə müsahibəsində bildirib.

Prezident Tramp sülh və nəzərəçarpacaq nəticələr gətirir. Bu nöqteyi-nəzərdən şəxsi münasibətlərimizi yüksək qiymətləndirirəm. SİA xəbər verir ki, bu barədə Azərbaycan Prezidenti İlham Əliyev Vaşinqtonda Azərbaycan mətbuatının nümayəndələrinə müsahibəsində bildirib.

Azərbaycanda heç vaxt etnik və ya dini müxtəlifliyə əsaslanan, nəinki münaqişələr, hətta anlaşılmazlıqlar belə olmayıb. SİA xəbər verir ki, bu barədə Azərbaycan Prezidenti İlham Əliyev Vaşinqtonda jurnalistlərə müsahibəsində bildirib. “Əksinə, bu gün Azərbaycan müxtəlif dini və etnik qrupların nümayəndələrinin bir ailə kimi yaşadığı multikulturalizm mərkəzlərindən biridir”, – deyə dövlətimizin başçısı vurğulayıb.