Day: August 10, 2025

Fransa Vətənpərvərlər Partiyasının lideri Florian Filippot X-də “Rusiyaya təzyiq” çağırışı edən bir neçə Avropa İttifaqı (Aİ) ölkəsinin liderlərini sərt şəkildə tənqid edib. Ötən gün Qərb mətbuatı Rusiyaya təzyiq çağırışı ilə bağlı bəyanatı Almaniya, Fransa, Finlandiya, İtaliya, Böyük Britaniya və Polşanın dövlət və hökumət başçılarının imzaladığını yazıb. …Fransa prezidenti Emmanuel Makron və mübariz avropaçılığın bütün harpiləri ABŞ və Rusiya arasında birbaşa sülh danışıqlarına qarşı bəyanat yayıblar. Onlara öz məqsədləri üçün müharibə lazımdır və Aİ-ni öz ordusu ilə təmin etmək lazımdır! Gəlin onları dayandıraq. Filippot çağırıb. SİA xəbər verir ki, avqustun 15-də…

…Kamçatka sahillərində 5,0 bal gücündə zəlzələ qeydə alınıb. SİA xəbər verir ki, bu barədə “Rusiya Elmlər Akademiyasının Vahid Geofizika Xidməti” Federal Araşdırmalar Mərkəzinin Kamçatka bölməsinin mətbuat xidməti məlumat yayıb. …Petropavlovsk-Kamçatskidən məsafə: 158. Dərinlik: 43,8 km. Maqnituda: 5,0, – məlumatda deyilir. İyulun 30-da Kamçatkada zəlzələ baş verib, maqnitudası 8,8-ə çatıb, bu seysmik hadisə 1952-ci ildən bəri regionda ən güclü zəlzələ olub. Bölgə sakinlərinə sunami təhlükəsi barədə xəbərdarlıq edilib, Severo-Kurilski rayonunda fövqəladə vəziyyət elan edilib. Kamçatkada baş verən ən böyük zəlzələ vulkanik aktivliyin artmasına səbəb olub. 625-ci ildə ilk dəfə olaraq Kraşeninnikov…

Tbilisidə İdman Sarayını əhatə edən ərazidəki binaların birində güclü yanğın baş verib. SİA xəbər verir ki, yanğın baş verən binadan insanlar təxliyə olunublar. Fövqəladə Hallar Xidmətindən verilən məlumata görə, yanğın binanın bölmələrindən birində baş verib. Nazirliyinin yanğınsöndürmə və xilasetmə qüvvələri hadisə yerinə cəlb olunub və hazırda yanğının söndürülməsi istiqamətində işlər aparılır. Xəsarət alanlar barədə məlumat yoxdur.

Yaponiyada fəallaşan Şinmoe Vulkanı 3 kilometr hündürlüyə kül püskürtməyə başlayıb. SİA yerli mənbələrə istinadən xəbər verir ki, bu barədə Japan News məlumat yayıb. Məlumata görə, ölkənin cənub-qərbində yerləşən Şinmoe Vulkanı gecəyarısı fəaliyyətə keçib. Vulkan hazırda 3 kilometr hündürlüyə kül püskürdür. Yaponiya Meteorologiya Agentliyi, vulkanın püskürtdüyü kiçik vulkanik qayaların ətraf ərazilərə düşə biləcəyi barədə xəbərdarlıq edib. Şinmoe Vulkanı 27 iyun tarixindən bəri fasilələrlə fəaliyyət göstərir. Qeyd edək ki, “Pasifik atəş halqası” adlanan zəlzələ və vulkan qurşağında yerləşən Yaponiyada 100-dən çox aktiv vulkan mövcuddur.

İtaliyada ilin əvvəlindən iyulun 31-dək ümumilikdə 851 meşə yanğını baş verib. SİA xəbər verir ki, bu barədə ətraf mühitin mühafizəsi ilə məşğul olan “Legambiente” assosiasiyasının hesabatında deyilir. Bildirilir ki, hesabat dövründə ümumilikdə 56,2 min hektar meşə sahəsi yanıb. Bu ərazi 78 min 800 futbol meydançasına bərabərdir. Milli parklar və mühafizə olunan meşə ərazilərində isə 253 yanğın hadisəsi baş verib. Yanğınlar ən çox ölkənin cənub hissəsindəki Siciliya, Kalabriya, Apuliya, Basilikata, Kampaniya və Sardiniya regionlarında qeydə alınıb. Qeyd edək ki, ötən ilin analoji dövründə İtaliyada 1515 yanğın olub, 50 min 802 hektar…

Rusiya Vatsap və Teleram zənglərini tamamilə qadağan etməyi planlaşdırılır. SİA xəbər verir ki, bu barədə Rusiya Teleqram kanalları məlumat yayıb. Məlumata görə, qadağa ölkənin 4 böyük telekommunikasiya operatorları tərəfindən irəli sürülüb. “Onlar sanksiyalara görə azalan gəlirlərini artırmaq məqsədilə danışıqları adi zənglərə keçirmək istəyirlər”, – məlumatda qeyd olunub.

Avqustun 10-da Ukrayna Prezidenti Volodimir Zelenski Azərbaycan Respublikasının Prezidenti İlham Əliyevə zəng edib. SİA xəbər verir ki, telefon danışığı əsnasında Ukrayna Prezidenti dövlət başçısını Amerika Birləşmiş Ştatları Prezidenti Donald Trampın dəstəyi ilə Ermənistanla Azərbaycan arasında sülh gündəliyi ilə əlaqədar əldə olunmuş nailiyyətlər münasibətilə təbrik edib və bu görüşün tarixi xarakter daşıdığını vurğulayıb. Dövlət başçısı təbriklərə görə təşəkkürünü bildirib, Ermənistanla Azərbaycan arasında əldə olunmuş razılaşmaların, xüsusilə ABŞ Prezidentinin şahidliyi ilə iki ölkə arasında imzalanmış bəyannamənin və digər sənədlərin regionda davamlı sülhün və sabitliyin təmin olunmasına və çiçəklənməyə xidmət göstərəcəyini qeyd edib.…