Qeyri-sabitlik dövrləri çox vaxt şirkətləri sabitliyin qorunması naminə innovasiyaları təxirə salaraq ehtiyatlı strategiya qəbul etməyə məcbur edir. Bununla belə, son beş il – pandemiya, iqtisadi və geosiyasi təlatümlər göstərdi ki, texnoloji tərəqqiyə “fasilə” vermək olmaz. Mütəxəssislər əmindirlər ki, məhz süni intellektə investisiyalar şirkətlərə rəqiblərindən daha uğurlu böhrandan çıxmağa kömək edəcək.
SİA-nın əldə etdiyi məlumata görə, bu barədə Forbes jurnalı yazır.
Süni intellekt tezliklə bütün əsas biznes proseslərinin bir hissəsinə çevriləcək – adi əməliyyatlardan tutmuş şirkətlərin rəqabət üstünlüklərini müəyyən edən strateji qərarlara qədər. Hətta tarif maneələri və ya iqtisadi qeyri-sabitlik kimi amillər də bu tendensiyanın qarşısını ala bilməyəcək.
Buna görə də menecerlər bu gün süni intellektin tətbiqinə hazırlığa üstünlük verməlidirlər. Aşağıdakı məqamlar hazırlıq üçün əsas ola bilər: Məlumatların keyfiyyəti və idarə edilməsi. Təmiz və əlçatan məlumatlar süni intellekt imkanlarının əsasını təşkil edir.
Müasir platformalar və informasiya ilə işləmək üçün aydın qaydalar lazımdır.
Təhlükəsiz və genişlənən infrastruktur. Lazımsız həllərdən təmizlənmiş səmərəli İT bazası süni intellektin tətbiqi üçün resursları təmin edir.
Süni intellekt inkişaf strategiyası…
Ölçülə bilən effektli və uzunmüddətli dəyəri olan layihələrə üstünlük verilməlidir.
Mütəxəssislər qeyd edirlər ki, indi “ən yüksək profilli” layihələrin arxasınca getməyin vaxtı deyil. Xərclərin azaldılması kontekstində müəssisələr gələcək inkişafın əsasını qoyaraq sadə və tez həyata keçirilən həllər üzərində cəmləşməlidirlər.
Pandemiyanın tarixi göstərdi ki, öz texnoloji əsaslarını əvvəlcədən gücləndirən şirkətlər uzaqdan işləməyə və yeni satış kanallarına daha tez uyğunlaşdılar. Eynilə, süni intellekt dövründə liderlər olacaq hazırlanmış təşkilatlardır.
Əli Babayev
